انتو ذي النعامة ادخلو وردو علي

والله ياخت ناهد انا بعترض بشدة على قفل الموضوع لازم الناس تعبر عن رائيها وخاصه نحنا في غربه وناس الشقله اللى ما بيكسرو ليه بيتو ما بيطلع ويقيف مع المظلومين وفي ناس عايزين الشوارع تتفتح حتى لو على حساب غيرهم مادام هم بره التكسير واتحدى اي راجل من الشقله يجى ويقول اكسرو بيتي وطلعو الشارع ده

مشكلة ناس الشقلة نظامهم اي زول ياكل ناره براه ودايما هم في حالة سبات شتوي وبيتفرجو في المظلوم والظالم بيلعب بيه يمين وشمال , اسي لو الزول دة عند ناس المسعودية وهم اهلي وعاجباني فيهم اشياء ما عند ناس شقلتنا وما اظن يجي يوم ويكونو زيهم صاحبنا دة لو عمل عمايل زي دي وكان مثلا لا قدر الله من اهل المسعودية للصباح البيوصفو ما يتلقي براهم كانو نظموه مش ذي ناس حلتنا اي زول ياكل ناره براه

ربنا يحفظنا وليهم حق ناس المنتدي يخافو دي عالم تقتل القتيل وتمشي في جنازتو
وربنا يكفينا شر خلقو
لاحظتو نحنا ماقلنا اسماء بس هم عارفين نفسهم وممكن يولعوها ويقولو قلنا وبكره تشوفو
والخوف مافي المنتدي بس الخوف مغطي الحله
والمابخاف الله سيدو حقو منو الناس تخاف

ويااختي عروبه زي ماقلتي نحن في غربه
عشان كده مفروض نعمل حسابنا في كلامنا وضروري ماتزكورو الاسماء عشان مانجيب المشاكل لي اهلنا ويبقن عليهم اثنين وبعد ماعرفت انو مواضيع المنتدي علي اي لسان يعني في البنقل من المنتدي لي الحله ولاع نيران بالدارجي كده ومامعروف بينقلو باي اسلوب ومع احترامي للاخوه الاعضاء مابشكك فيكم ابدا بس ماعرفت بالضبط الحاصل شنو
وعلي اي حال ربنا مابيظلم حد والظالم بياخد جزاهو لو في الدنيا لو في الاخره وعشان كده بتمني منكم تدعو ربنا عشان ينصر
المظلوم ويهد الظالم ومافي يدنا شي غير الدعاء والله المستجاب وارجو منكم تقبل راي ويمهل ولايهمل وربنا يحفظنا في غربتنا ويحفظ اهلنا ويكفينا شر خلقو اااااااااااااااااااااااااااااااااامين يارب العالمين

[b]
الموضوع ما محتاج كل الزعل دا يا ناس
الموضوع محتاج تفهم وادراك للمصلحه العامه
على الخاصه والناس قبل ماتفكر فى الشئ العكسى تنظر لقدام
ومين ضامن يعيش لبكره والطيب أحسن نرجو عدم الاستعجال فى الحكم على اراء الناس
واذا الناس راعت ربنا البيت الوسيع بيشيل عشره
واعملوا الى جنه عرضها السماوات والارض واصلح الله نفوسنا

الجمره بتحرق الواطيها ياصابر

اخت ناهد انا ذكرت الكلام ده بالتحديد عشان الناس تفهم انا مابخاف الا من الخلقني وانا ذكرت في أماكن كثيرة انو التكسير ده انما هو هدم لقريتنا على كل المستويات ويا صابر بالدارجي كدة الموضوع ده ليهو ابعادو السياسية التي تتضرر منها القرية كثيراً (البلد داخلة على انتخابات ) افهموها