مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

وصية أم لابنتها

اذهب الى الأسفل

وصية أم لابنتها

مُساهمة من طرف أسـ الكداد ــد في الخميس ديسمبر 24, 2009 9:31 pm



شوفوا الوصية العجيبة دي





يا بت هوي فتحي عينك وابقي نجيضة وفالحة
قدر ما أجي داخله عليكم القاكي .... هي هي هي .... و قر قر قر ..... تضحكي مع عبد الله دا
الراجل ما تضحكيلو كتير.....
يسعلني الله بعدين يحقر بيك....
الراجل اديهو العين الحمرا.
ابقي نجيضة.....
آآي ..... زي امك....
الله بسعلني وقت ابوكي يقول حاجة تضحك....
امشي اتحشر في الاوضة واضحك زين واجي مارقة صارة وشي....
وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة...
نفسو تقوم تعجبو يعرس فوقك.... وبعدين تشربي ما تروي....
واكربيهو بالطلبات.... اوعي تخلي لك قرش يبيت في جيبو...
واوعك تخليهو يشوف.ال...... بيخربن الرجال
وقت المسلسل داك يبدا جيبي فندكك واقعدي دقي أي حاجة جنبو ... ويا ريت لوكانت شطة
ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي....
وبعدين ما يجى داخل يلقاكى تغنى ...تى ان بقيتي دايرة تغني اوعك من الغنا الخايس ناس حبيبي حبيبي ....
امسكي في الغنا الحار زي "البيجري مصيبتو و مرتو طلقانة" ولا "اندب حظي
ولا "دفاعنا الشعبي ياهو ديل" ولا "النار ولعت بقلبي بطفيها
اااااااااااي.... عشان تربيلو الزلعة .....والخلعة....
بس اوعك تغني "لو الليلة يوم الرجال
بيقوم يصدق و يتحنفش فوقك ساكت........
واوعك تشكريلو حاجة جابها....
ان جاب لك لحم، ختي ايدك فوق راسك وقوليلو
ووب علي ووب علي ووب علي، غشوك وادوك الجلافيط .....
وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي
قوليلو: دا شنو يا عبدالله؟......

الريحة المتل ريحة الفسيخ دي جايبها من وين؟
غايتو انت مغستك تقد.......
وان جنك نسوان ولا بنات....ما تخليهو يقعد وسطن....ويتونس....
طيريهو من البيت
وان ابى يمرق... قدر ما يقول ليو نكته ولا يخفف دمو قدامن صري ليهو وشيك....
وقوليلو: انت يا عبد الله ما عندك غير النكتة دي؟
يا خي عملت لينا بيها وجع ... وش
اصلهم الرجال عارفاهم
الواحد فيهم لمن يشوفلو لمت بنات يقعد يخفف في دمو ويعمل فيها ودنفاش....
وتلقيهو يضحك بلا سبب
حتى ان واحدة قحت ساكت
يقعد يضحك ويصفق ايديهو
واوعك تخليهو معاهن وتدخلي المطبخ تسوي ليك شربات ...
وحات الله ... بنات الزمن دا ان غفلتي من راجلك دقيقة بس تلقيها عرستو




واعملن حسابكن حيل يا بناتنا وشدن حيلكن وما تسمعوا النصيحة الغبية دي
على فكرة طبعاً البنت بعد اسبوع عينكم ما تشوف الا النور جات مطلقة وحالتها بالبلاء

avatar
أسـ الكداد ــد
شقلاوى سوبر
شقلاوى  سوبر

المشاركات : 428
العمر : 38
تاريخ التسجيل : 15/12/2009

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف ???? في الجمعة ديسمبر 25, 2009 12:09 am

مشكور على البوست اسد الكداد
الرسول (ص) وضح إنوز واحدرمن اسباب كب النساء فى نار جهنم
أنهن يكثرن اللعن ويكفرن العشير يعني الواحده تنكرو حطب
تحلف بالتقطعا إنها مابتعرف للراجل حاجة من يوم ما إتزوجتو
وبعدين عليك لله شوف الرجال لما بنصحوا بناتم بقولوا شنو
ليس للبنت فى السعادة حظ .... اذا تنآءى الحياء عنها وولى
avatar
????
زائر


الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف أسـ الكداد ــد في الجمعة ديسمبر 25, 2009 8:46 pm

مشكووووووووووووووووووووور على المرور

مع خالص تحياتي

avatar
أسـ الكداد ــد
شقلاوى سوبر
شقلاوى  سوبر

المشاركات : 428
العمر : 38
تاريخ التسجيل : 15/12/2009

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف ست البنات شمس الحق في الأحد ديسمبر 27, 2009 2:59 pm

دي بتنصح فيها ولا بتخرب بيتها
avatar
ست البنات شمس الحق
مشرف
مشرف

المشاركات : 1121
العمر : 30
الموقع : اليمن
العمل/الترفيه : 'طالبة
المزاج : رايق
تاريخ التسجيل : 17/05/2009

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف مغروره في الأحد ديسمبر 27, 2009 3:41 pm

very nice
avatar
مغروره
شقلاوى جديد
شقلاوى  جديد

المشاركات : 47
العمر : 30
تاريخ التسجيل : 03/10/2009

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف الابنوسة في الثلاثاء يناير 12, 2010 6:24 pm

النصيحة مالها جايبها لبتها بالشقلبة
عايزة تخرب ليها بيتها ولا شنو
هم الاطفال شنو غير اطفال صغار
لمن تشكري فيه يكون فرحان اليوم كلو
يمكن باقي الاسبوع كلو هو طربان من مديح زوجته
خليكم عشرة على رجالكم
وما تفرضو فيهم بالوصية المقلوبة دي
وتحياتي
الابنوسة

الابنوسة
شقلاوى جديد
شقلاوى  جديد

المشاركات : 28
العمر : 42
تاريخ التسجيل : 12/01/2010

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف حلم الاماسي في الثلاثاء يناير 12, 2010 7:14 pm

الخراب هين والعمار قاسي
avatar
حلم الاماسي
شقلاوى فعال
شقلاوى  فعال

المشاركات : 139
العمر : 40
تاريخ التسجيل : 25/07/2009

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف الساحرة الصغيرة في الثلاثاء يناير 12, 2010 8:07 pm

شكرا اسد الكداد موضوع مميز
صدقني مابناخد بكلامن
وبارك الله فيك
avatar
الساحرة الصغيرة
مشرف قسم كلمات الاغاني
مشرف قسم كلمات الاغاني

المشاركات : 746
العمر : 27
الموقع : بين احضان وطني
العمل/الترفيه : سعي وراء التطور
المزاج : كبرتني ياهم دخيلك قول لدنيا انا عمري الحقيقي كم
تاريخ التسجيل : 14/12/2009

الرجوع الى أعلى الصفحة اذهب الى الأسفل

رد: وصية أم لابنتها

مُساهمة من طرف سيد الاسم في الأربعاء يناير 13, 2010 4:22 am

صدقيني يا أختي بتاخدن بكلامن دا كلام منتدى ساكت

سيد الاسم
شقلاوى مبدع
شقلاوى  مبدع

المشاركات : 265
العمر : 48
تاريخ التسجيل : 11/01/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى