مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

بدون خجل __ بتعملي كدا في ليلة الدخلة؟؟

استعرض الموضوع السابق استعرض الموضوع التالي اذهب الى الأسفل

بدون خجل __ بتعملي كدا في ليلة الدخلة؟؟

مُساهمة من طرف الطيب البشير في الثلاثاء يناير 19, 2010 3:14 pm

سلام يا حبايبنا
مساكم زين
طبعا اكيد في ناس جات جارية جري عشان .. الشـــــمارات؟
اتمني .. ان اكون اليوم خفيف عليكم وكلنا نطلع .. بالعــــبرة
المرجوة من البوست , قمت باحضار هذة القصة من إحــــــدي
المنتديات .. وعلينا جااااي


" السؤال موجه لجميع حسان المنتدى "
حتعملي كده لو زوجك طلب منك تعمليها ليلة الدخلة ؟؟



حتسألوا شنو هو الطلب ..

أوريكم الطلب شنو وعايز من قرأ الموضوع يوريني رايو

الطلب إنو قصة واقعية حصلت ..

" شاب موظف وضعو المادي ممتاز ماشاء الله عليهو مشى خطب ليهو بت ناس وتمت الخطوبة والعقد والعرس والحنك الكتيير داك ..



المهم بعد ما خلصت الحفلة والزول ساق عروستو للشقة فجأة موبايلو ضرب !!



العريس رفع السماعه : ألو ( بي تعجب كده وبقول بينو وبين نفسو ده منو المزعج ده :d )

الزول المتصل : وين يافردة ألف ألف مبروك العرس ياخ ..

العريس : ديل إنتو يا وهم مالكم ماجيتو الحفلة ؟؟

المتصل : والله ياحبيبنا الهايز بتاعتنا بنشرت لينا في الطريق وماكان عندنا اسبير ولمن صلحناها ووصلنا الخرطوم قالوا لينا الزول ده ساق مرتو واتفكفك وانحنا هسي راجعين ..


(( طبعا هم جايين من حلة ريفية بعيدة عن الخرطوم حوالي 400 كيلو ))

..
..
..
..
العريس : ترجعوا بي ليلكم ده كيف اتعشيتو لالا ؟؟

المتصل : لالا والله


العريس : عددكم كم يا أخوي ؟ (( ))

المتصل : 10 (( لاحولاااااااااا هع ))

العريس : وحياة الله علي الطلاق أطلق مرتي هسي قدامكم كان ماجيتو اتعشيتو معاي ..

المتصل : يازول طلاق شنو أمشي شوف شغلك مع مرتك نحن بنتصرف ..

" الحنك مانفع وطلع العريس راسو قوي وأصر عليهم لغايت ماوافقو "

ووصف ليهم الشقة وقال ليهم أنا مستنيكم يلا سلام .
وقفل الخط ..

وقال للعروس دقايق بس ماشي السوق وجاي ..

"وطلع خلاها مننطة عيونا مافاهمه الحاصل وقايلاهو ماشي يجيب أكل جاهز من الكافتيريا "

أها صاحبنا مرق وما اتأخر ربع ساعه بس رجع شايل ليهو أكياس ..

العروس : سجمي ده شنو ؟

العريس : قومي سوي الأكل ده سريع أصحابي ديل قربو يصلو....

أها العروس وقفت مننطة عيونا زيادة عن قبيل وفجأة الباب دقه (( كو .. كو .. كو ))

ومشى ليهم قال ليها يلا يلا ديل هم وصلو قومي سوي سريع ..

ومشى فتح ليهم الباب وألف ألف مبروك ياعريس واتفضلو اتفضلو الجماعه دخلو وجاب ليهم البارد ويتونسو ويضاحكو وبتاع ..

المهم .. بت الناس مسكينة مرزوعه في المطبخ وقدامها " البصل .. واللحمة .. والطماطم والعجور .. الخ )) بفستان الزفاف بتاعها ودموعها سايلات وهي بتقطع قربت تقطع اصابعينها وندمانه وتقول بينها وبين نفسها (( أريتني كان ماعرست الصباح أنا راجعة لأهلي أطلب الطلاق من الراجل السجمان ده أول يوم عمل فيني كده بعد سنة حيعمل شنو )) .. المهم سوت العشا وجا العريس شالو ووداهو ليهم وقالوا ليهو نستأذن بعد ده وحلف عليهم إلا يبيتو لكن ما قدرو (( عندهم ضمير )) ..

المهم بت الناس مسكينة في غرفتها قاعدة تبكي
وبعد شوية !!

العريس دخل عليها وشايل ليهو 50 مليون (( آي 50 مليون )) ..



وجدعن ليها قال ليها شيلي ده حقك ..

قالت ليهو حق شنو سجمي أنا عرست لي راجل مجنون ولا شنو ؟؟

..
..
..

قال ليها ديل انا واصحابي اتشارطنا كل واحد يدفع ( 5 مليون ) لو طبختي لينا في ليلة الدخلة
وطلعتي انتي الكسبانة ..

وانبسطت البنية .. وجا قشا ليها دموعها أمورهم مشت تمام اليوم داك وبقو أسعد عرسان ..
السؤال المخصص بيهو عنوان الموضوع ؟؟
كنتي حتعملي كده لو هو جا ردم ليكي الحاجات وطلب منك تطبخي ولا لع ؟

ولو كنت مكانو حتعمل في زوجتك كده ولا لع ؟؟


...
...
أقعدوا زينيييين

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف عاشق الريال في الثلاثاء يناير 19, 2010 3:20 pm

معقولة حيرتنا معاك ياكمندان
المبلغ مغري بس بنتفق انا وهي دي بسيطة
تقبل مروري

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]

عاشق الريال
مشرف قسم كلمات الاغاني
مشرف قسم كلمات الاغاني

المشاركات : 983
العمر : 26
الموقع : الشقلة حاليا
العمل/الترفيه : طالب
المزاج : راااااااايق
تاريخ التسجيل : 28/01/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف ناهد بنت العدني في الثلاثاء يناير 19, 2010 3:31 pm

صعبة بعد تعب الكوفير والحفلة امكن كنت اعمل ليهم شوربة وسلطة طماطم بالجبنة لكن المبلغ بينسي التعب ههههههه ضحاكات تمام مادية موش كدة [ندعوك للتسجيل في المنتدى أو التعريف بنفسك لمعاينة هذه الصورة]

ناهد بنت العدني
شقلاوى سوبر
شقلاوى  سوبر

المشاركات : 401
العمر : 38
الموقع : المملكة العربية السعودية
العمل/الترفيه : مبرمجة
المزاج : هيك وهيك
تاريخ التسجيل : 30/07/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف نزار هاشم حمد في الثلاثاء يناير 19, 2010 3:33 pm

جديدة وحلوة وملعوبة بالجد
ده عريس مجنون ومجازف كان ممكن
العروس ترفض وتنتهي القصة قبل ما تبدأ
وتقبل مروري

نزار هاشم حمد
شقلاوى جديد
شقلاوى  جديد

المشاركات : 55
العمر : 39
الموقع : الشقلة عوج الدرب
العمل/الترفيه : موظف
المزاج : رائق
تاريخ التسجيل : 07/01/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف samahaa في الثلاثاء يناير 19, 2010 3:39 pm

ههههههههههههههههههههه

اعمل عشاء وفطور بكره كمان لو بي المبلغ دا

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ليك بقدم اعذاري
خطاي معاك ما بتكمل
ودربا كنا ماشينو
نهايتو معاك ما بوصل
وقلبا ليك كان شايل
وعن حالك دوام بسال
صبح رضيان بفرقك
وفي اخبارك يتململ
[i]

samahaa
عضوة مجلس الإدارة
عضوة مجلس الإدارة

المشاركات : 1639
العمر : 36
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف sara ibrahim في الثلاثاء يناير 19, 2010 3:52 pm

موضوع جميل
لو انا محلها لو جابو لي خروف بظبطو مادام حااطلع بي خمسين مليون
ولو زودوها تاني خمسين بسمح ليهم يبيتو واصحي بدري اعمل ليهم الشاي واللقيمات
وكده في وقت بسيط اكون كسبت 100 مليون
ويلا مع السلامه نقول ليهم
ههههههههههههههههههههههههههههههههههههههههههههههههههههههه
ماتقولو ماديه

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
[url][ندعوك للتسجيل في المنتدى أو التعريف بنفسك لمعاينة هذا الرابط]

sara ibrahim
مشرف قسم الصحة
مشرف قسم الصحة

المشاركات : 433
العمر : 32
الموقع : USA
العمل/الترفيه : بيتي عالمي الصغير
المزاج : رايق والحمد لله
تاريخ التسجيل : 01/08/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف samahaa في الثلاثاء يناير 19, 2010 4:16 pm

يا ساره انتي ماديه وطماعه كمان
عايزه تدفعيهم تاني خمسين [ندعوك للتسجيل في المنتدى أو التعريف بنفسك لمعاينة هذه الصورة]


انا لو بدفعو خمسبن تاني ممكن استضيفهم اسبوع

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ليك بقدم اعذاري
خطاي معاك ما بتكمل
ودربا كنا ماشينو
نهايتو معاك ما بوصل
وقلبا ليك كان شايل
وعن حالك دوام بسال
صبح رضيان بفرقك
وفي اخبارك يتململ
[i]

samahaa
عضوة مجلس الإدارة
عضوة مجلس الإدارة

المشاركات : 1639
العمر : 36
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف ست البنات شمس الحق في الثلاثاء يناير 19, 2010 5:10 pm

انا حااعمل ليه كدة وبدون مقابل

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
--------------------------------------------------------------------------------

كل أرضٍ تشيلك يا ثقيل الحمول
وكل وقتٍ كريمٍ بالرضا والزعل

وين مارحت تلقى لك حبيب وعذول
وين ما كنت تلقى مثل ياسك..أمل

ست البنات شمس الحق
مشرف
مشرف

المشاركات : 1121
العمر : 29
الموقع : اليمن
العمل/الترفيه : 'طالبة
المزاج : رايق
تاريخ التسجيل : 17/05/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف صابر و راضى في الثلاثاء يناير 19, 2010 9:54 pm

والله ياست البنات الوحيده

الرديتى صح وهم فى النهايه تبع الراجل بغض النظر عن اليوم

وتسلم يا الطيب ع الموضوع

يعنى الفلوس اهم من المواقف

عجبا عجبا

وتقبل مرورى

صابر و راضى
مشرف
مشرف

المشاركات : 291
العمر : 36
الموقع : ما ليا غيرك ما ليا يمسح دموعى وأحزانى
العمل/الترفيه : أغلى من روحى عليا وأعز من نور عينيا
المزاج : فى العيون شلناه ريدك عمره ريدك ماتبدل
تاريخ التسجيل : 09/09/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف ناهد بنت العدني في الثلاثاء يناير 19, 2010 10:29 pm

يعنى الفلوس اهم من المواقف

عجبا عجبا
مالك يا صابر اتضايقت كدة لمة اتعجبت مننا هههههههههه معليش انشاء الله تلقي بت الحلال التقول ليك ما يهمك انا بعيش معاك في عشة اوراكوبة لكن لمة يبقي الجد بتمنطقك ههههههههههههه والفلوس مامهمات طيب الجابنا من بلدنا شنو ؟

انا ما مادية ما تفهموني غلط [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

ناهد بنت العدني
شقلاوى سوبر
شقلاوى  سوبر

المشاركات : 401
العمر : 38
الموقع : المملكة العربية السعودية
العمل/الترفيه : مبرمجة
المزاج : هيك وهيك
تاريخ التسجيل : 30/07/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف صابر و راضى في الأربعاء يناير 20, 2010 5:04 pm

تسلمى يا بت العدنى

له الرحمه

وانشاء الله زى ماقلتى القى بت الحلال

ومامهم الانسان يعيش وين

بس الاهم انو ضميرو يكون مرتاح

فكم من الناس يمتلك المال الذى لا حصر له ولا عدد

ولكن يبحث عن السعاده الحقيقيه

والتى ليس بمقدور الدنيا كلها ان تاتى له بها

وكم من الناس لا يملكون قوت يومهم ولا يدرون باى شئ

سيمضى عليهم غدا ولكن تجدهم قنوعين وسعداء برزقهم

ولا اقول لك بان الفلوس ليست مهمه

الاهم هو الرضاء والقناعه اولا

بعدين قلتى الجد بعده

يحل المنطق

اين التفهم والقنوع وستره الحال مع من ياتى اليك فى اى زمن حتى ولوكان وش الفجر

ولك اندى التحايا وتقبلى مرورى

صابر و راضى
مشرف
مشرف

المشاركات : 291
العمر : 36
الموقع : ما ليا غيرك ما ليا يمسح دموعى وأحزانى
العمل/الترفيه : أغلى من روحى عليا وأعز من نور عينيا
المزاج : فى العيون شلناه ريدك عمره ريدك ماتبدل
تاريخ التسجيل : 09/09/2009

الرجوع الى أعلى الصفحة اذهب الى الأسفل

رد: بدون خجل __ بتعملي كدا في ليلة الدخلة؟؟

مُساهمة من طرف همس القلوب في الخميس مارس 31, 2011 1:05 am

مستحيل انا اسوي كدا ولو سويت حا يكون بي مقابل

همس القلوب
مشرف قسم كلمات الاغاني
مشرف قسم كلمات الاغاني

المشاركات : 992
العمر : 20
الموقع : الشقلة
العمل/الترفيه : النت
المزاج : 100%
تاريخ التسجيل : 25/03/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى