مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

اهديهاء للاخوان المغتربين

استعرض الموضوع السابق استعرض الموضوع التالي اذهب الى الأسفل

اهديهاء للاخوان المغتربين

مُساهمة من طرف بت الشقله في الإثنين مارس 22, 2010 7:45 pm


حصاد الغربه شعرمبارك ابراهيم
امرك عجيب يا مغترب
شايل حقايبك ماشى وين؟؟؟
ما الغربه طالت يامسكين وانت في نص الدرب
والناس هناك ما شايله هم لا هم حكومه ولا لحم
ساكت ليه يا مغترب؟؟؟
حاول اجب؟؟
الناس وراك دفنت الوف وانت جالس تنتحب
الناس هناك هزمت طوابير الصفوف
واذدادو نجمات في الكتوف
وانت جالس زي خروف لا فيك لبن لا فيك صوف
شعار جميل مكتوب حروف زول مغترب
انت يا ابوي مين اللي زيك انت ما زول مغترب
لا ليك ارض لا ليك راي لا خطة اسكان لا حزب
انت عندك حزب واحد
اسمه حول اخوك وراك راقد تعب
جاك اتصال من ناس منال
يا اخوي حول وما تطول
جدي الخضر عضو الكلب
اخوي حول في الشهر مرتين
ود اللمين جاهو المقص في الكليتين
خلاهو زي زول الكتب
يا اخوي حول وما تطول
وجيب معاك طقم العشاءودهب الكضب
وانت جالس يا مسكين الغربه طالت وانت في نص الدرب
مرت سنين فوق السنين
لا اشتريت قطعة ارض لا سقفت الغرفتين
والحاله طين
ياخوي صلى ركعتين بعد الفرض
ياخوى حول جيب قروش
وخاتم الجنيه للسيدتين
ام العريس وام العروس
ولا تقول فلنفترض
اضرب خماسيك في سداسيك واضرب الطول في العرض
الغربه طالت والعيال كبرت وجالت
وانت حالك يا مسكين والله تغني عن سوالك
والفكر مشقول وشايل هم عيالك وين بتقراء
والغريب كل الحكومات في البلد تنكر نضالك
وحتى العيال في الجامعات يا مسيكين بدل الجنيه تدفع ريالك
ومهما تكتب او تقول هذا اختيارك
لا ليك راى ولا هناك من يرد ليك اعتبارك
شد حيلك واشتقل عشرين شقل خارج مجالك
شد حيلك والصغور رجاك كتيرة
ست البنات صارت مديرة
ولسه ما جاها العريس
والبيت ملان ناس محاسن وناس سميرة
وانتي ما تخليك عويره
ومامهم ود اللعم وما مهم من القبيله
المهم ابقى راجل ومااكون زول خميلة
الم اقل امرك عجيب يا مغترب؟؟
جيت شباب تلبس خفيف حتى في عز البرد
بعد السنين الجلود اتكرمشت واصبحت ود عم القرد
واخر المطاف السنين صارت عجاف
شالوك مغفل في طرد
واخر المطاف السنين صارت عجاف
شالوك مقفل في طرد

بت الشقله
شقلاوى فعال
شقلاوى  فعال

المشاركات : 108
العمر : 36
تاريخ التسجيل : 18/03/2010

الرجوع الى أعلى الصفحة اذهب الى الأسفل

رد: اهديهاء للاخوان المغتربين

مُساهمة من طرف samahaa في الثلاثاء مارس 23, 2010 5:22 am

ليه كدا
والله اغلبية الكلام صح بس في حاجات كدا!!!!!

مشكوه كلام جميل

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ليك بقدم اعذاري
خطاي معاك ما بتكمل
ودربا كنا ماشينو
نهايتو معاك ما بوصل
وقلبا ليك كان شايل
وعن حالك دوام بسال
صبح رضيان بفرقك
وفي اخبارك يتململ
[i]

samahaa
عضوة مجلس الإدارة
عضوة مجلس الإدارة

المشاركات : 1639
العمر : 36
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: اهديهاء للاخوان المغتربين

مُساهمة من طرف ست البنات شمس الحق في الأربعاء مارس 24, 2010 1:30 pm

تسلمي

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
--------------------------------------------------------------------------------

كل أرضٍ تشيلك يا ثقيل الحمول
وكل وقتٍ كريمٍ بالرضا والزعل

وين مارحت تلقى لك حبيب وعذول
وين ما كنت تلقى مثل ياسك..أمل

ست البنات شمس الحق
مشرف
مشرف

المشاركات : 1121
العمر : 29
الموقع : اليمن
العمل/الترفيه : 'طالبة
المزاج : رايق
تاريخ التسجيل : 17/05/2009

الرجوع الى أعلى الصفحة اذهب الى الأسفل

رد: اهديهاء للاخوان المغتربين

مُساهمة من طرف أسـ الكداد ــد في الخميس مارس 25, 2010 7:26 pm

التحية ليك بت الشقلة ع الإهداء الصريح دا

وطبعاً النصيحة دي حاااااااااااااااااااااااااااارة وهي واجب انساني واخلاقي فإن اخذها الإنسان بعين الحب كانت ثمرة نافعة له وان قابلها بعين الحقد فهي قنبلة ستنفرج فيه ..

لكن نحن يا بت الشقلة قليبنا رهييييييييييييف والحاجات دي والله بتعذبنا شديد وبتحطمنا يااااااااااااااااااااااااااامن غلط عشان كدا الله يرحم والديك تاني لا تجيبي لينا حاجات زي دي والله الفينا كافينا ونحن بندخل المنتدى نتنفس شويه ما عشان يجينا اكتئاب ..

وما تزعلي من كلامي وان احترم رايك شديد ولكِ مني الف تحية ،،،،،،،

أسـ الكداد ــد
شقلاوى سوبر
شقلاوى  سوبر

المشاركات : 428
العمر : 36
تاريخ التسجيل : 15/12/2009

الرجوع الى أعلى الصفحة اذهب الى الأسفل

رد: اهديهاء للاخوان المغتربين

مُساهمة من طرف alamora في الخميس مارس 25, 2010 9:30 pm

حال الدنيا وقساوتا[ندعوك للتسجيل في المنتدى أو التعريف بنفسك لمعاينة هذه الصورة]

alamora
شقلاوى جديد
شقلاوى  جديد

المشاركات : 49
العمر : 36
تاريخ التسجيل : 12/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى