مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب


انضم إلى المنتدى ، فالأمر سريع وسهل

مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب
مشينا الشقلة ودخلنا بيوتا شفنا شبابا غلبنا نفوتا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

امونة بت الشيخ حمد..

4 مشترك

اذهب الى الأسفل

امونة بت الشيخ حمد.. Empty امونة بت الشيخ حمد..

مُساهمة من طرف الطيب البشير الأربعاء أبريل 14, 2010 4:17 pm

امونة بت الشيخ حمد ابوها كان
مزواج خلاص ناسب جميع أهل البلد
ميلادها كان عرسا كبير هيبة ورقيص ماليها حد
يوم السماية اتيتمت وحس القدر في الام نفد
جرت السنين واتفاوتت بيناتنا ما ليهن عدد
امونة كبرت واستوت فار الصدير شال النهد
وبقت أمل كل الشباب وجمالها في بت ما اتوجد
في مرة رفا قليبها يوم حبت قريب الشيخ حمد
وأظن كمان حباها هو جوه الضلوع للخيط سرد
كم من غرام في القلوب ولع لهيبو ما برد
خايفين عيون الناس تشوف والخبر يملا البلد
والحب هناك عيباً كبير لا بت تبوحبو ولا ولد
سنتين تلاتة مضت خلاص والبت حياتها بقت ند
برضو الولد زي حالتو ديك وقليبو داك مكتول كمد
في يوم ابوها ضحك كتير برم شواربو بلا الاسد
ناداها امنة تعالي جاي فوق البرش ربع قعد
قالتلو هوى جايك خلاص وقليبها فر وما رقد
هابت عيونو قبل يقول شافت وجيهو عليهو جد
حاج الخضر عارفاه داك قالتلو أيوه ابو سند
جانى الصباح طالب يديك داير نسب شيخ البلد
وانا قتلو مرحب بيك تعال يومين تلاتة يكون عقد
راجلاً عظيم عنده القروش عنده الحديد راقد لبد
كمان كريم واخو رجال ماعونو فد يوم ما برد
جرت الدموع من عينا شو وأبت تديه رد
وكتين غلب يا ناس خلاص ولع فؤاده جمر وقد
فكر سكوت البت رضا جاب زولو لما الناس عقد
والمال ده خمخم والحرير تحت الرجول مدوه مد
دق الدليب صحا العيون ما خلا فد مخلوق غمد
يوم الصفاح والناس تجوط بالفرحة مقلوبة البلد
أمونة تبكي بكي السواد بدل الفرح جاها النكد
وبشيشها قامت للمروق في الزفه ما حسابها حد
كان الحبيب راقد هناك والصدمة قاده قليبو قد
حاضن ربايتو وحيد ينوح كم جرا للمسدار جبد
وقفت قصاده بكت كتير لامن دميع العين جمد
قالتلو ما بيدى شىء ديل ناس ابوى وأبو سند
أتلمو سوهو الكلام وانا لا رضيت لا جبت رد
قال عنده مالاً مو قليل وأبوى شاف المال سجد
وأداني للراجل العجوز المن عروقو الدم شرد
قايلنى بسعد بالقروش والله المراح الفات ورد
لاكن محال اسعد بلاك كان السماء ينهد هد
بديك قلبي وروحي ليك وبعيش هناك صورة وجسد
اتراجعت دارت تعود لكن قليبها رجع رفض
مسكت دريباً مو غريب كم بيه صف بنوت ورد
قاصدة البحر داير تموت لا عيشه لا هم لا نكد
شافت مسار النيل حزين حتى النخيل حزنان خمد
وبشيشها فككت الحرير لا زينة لا ربيط عقد
ما دام حياتها بقت دموع وقليبها من زولا انفرد
وفي لحظة موج النيل علا وفي جوفو غابت للأبد
قالت اخير ارتاح خلاص أرسى وشقاي القالو حد


عدل سابقا من قبل الطيب في الخميس أبريل 15, 2010 4:50 pm عدل 1 مرات
الطيب البشير
الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 31
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

امونة بت الشيخ حمد.. Empty رد: امونة بت الشيخ حمد..

مُساهمة من طرف ابوبكربشيرمساعد الأربعاء أبريل 14, 2010 5:03 pm

يا سلام يا الطيب مشكووووووووووووووووووووووووووووور علي اللاغنيه الحقيقيه دي فعلاا من الوقع في الشماليه
ابوبكربشيرمساعد
ابوبكربشيرمساعد
مشرف قسم كلمات الاغاني
مشرف قسم كلمات الاغاني

المشاركات : 822
العمر : 39
العمل/الترفيه : موظف علاقات عامه
تاريخ التسجيل : 22/04/2009

الرجوع الى أعلى الصفحة اذهب الى الأسفل

امونة بت الشيخ حمد.. Empty رد: امونة بت الشيخ حمد..

مُساهمة من طرف ودضيف الله الثلاثاء مايو 25, 2010 7:21 pm

مشكووووووور الطيب
avatar
ودضيف الله

المشاركات : 4
العمر : 44
تاريخ التسجيل : 22/01/2010

الرجوع الى أعلى الصفحة اذهب الى الأسفل

امونة بت الشيخ حمد.. Empty رد: امونة بت الشيخ حمد..

مُساهمة من طرف بت الزعيم الأربعاء مايو 26, 2010 7:13 am

يسلم الشاعر الابدع ويسلمو الايادى النقلتو لينا
تحياتى وتقبل مرورى
بت الزعيم
بت الزعيم
شقلاوي جديد

المشاركات : 84
العمر : 37
الموقع : المملكة العربية السعودية/الرياض
المزاج : مية المية
تاريخ التسجيل : 10/05/2010

الرجوع الى أعلى الصفحة اذهب الى الأسفل

امونة بت الشيخ حمد.. Empty رد: امونة بت الشيخ حمد..

مُساهمة من طرف ابوبكربشيرمساعد الأربعاء مايو 26, 2010 7:52 pm

مشكووووووووووووووووووور الطيب
ابوبكربشيرمساعد
ابوبكربشيرمساعد
مشرف قسم كلمات الاغاني
مشرف قسم كلمات الاغاني

المشاركات : 822
العمر : 39
العمل/الترفيه : موظف علاقات عامه
تاريخ التسجيل : 22/04/2009

الرجوع الى أعلى الصفحة اذهب الى الأسفل

امونة بت الشيخ حمد.. Empty رد: امونة بت الشيخ حمد..

مُساهمة من طرف الطيب البشير الخميس مايو 27, 2010 1:25 am

مشكورييييين على المرور
الطيب البشير
الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 31
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى