مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

ناس الجزيرة الغبش

اذهب الى الأسفل

ناس الجزيرة الغبش

مُساهمة من طرف بت الشقله في الجمعة يوليو 09, 2010 4:26 pm

الناس الغبش

رد علي ( الحنكوشة / بت الخرطوم ) عندما سألت واحد من الجزيره وهو لابس الجلابية والعمه والمركوب بجامعه النيلين .. إنت من الناس الجزيرة الغبش ولا شنو ؟ .. فكان هذا الجواب


أيوه ناس الجزيره غبش
واكان يا حلوه جيتي الجزيره دغش
تشوفي الغباشه الجد
علاله مراح نازل علي البلدات
حمير في شديدا لبد
تسمعي حاو وتعرفي هش
مزارعيه ورواعيه
حدك عريج ما ترش
يتابعو القصبه من كانت أضينة فأر
كدنكاتن قبلي الشلخ
قاطعات السرابه طرش
أيوه ناس الجزيره غبش
ترابله في بطن الأناقي الواسعه
وكت القايله حاره تتش
يفكوا اللبقه للمويه الحبيسه تخش
منو اليا حلوه قال الحضاره قرش
آخر صيحه في العربات
مع شمس النهار ترقش
ده يا حلوه ذاتو الغش
الما بنعرف دروبو
رلا بنعرف عليهو نمش
مبروك عليك يا حلوه
خرتومك المليان خلق
والموضه للبت والولد
من غير فرز وبدون فرق
أمانه لبسك في البيوت
بت الجزيره هناك تحرم تلبسو
ولو بالغلط ..
طلعت تحوم وسط البيوت
باسكيرتي ضيق أو بوضي
تشبع خنق
حنكوشه انتي وبت مدن
ربوك بالعيش السخن
ما عارفه القمح زرعوهو كيف!!
حصدوهو كيف؟!
وبرضو كيف دخل الفرن
الناس الغبش يا فاهمه ليك
زرعوهو هن
وهن كمان زرعو القطن
الناس الغبش أهلي العزاز
العمري ما اتنكرت ليهم
ولا كمان يوم بنكرن
..نحن يا شاطره من الريف
ضربة شمسنا ولا ضل الرقد تكييف
وبرضو نحن أهل قرايه كمان
رموز معروفه بدري زمان
وزراء وسفراء للسودان
والزيك علاجو بسيط وبالمجان
هناك تلقيهو في القرآن
وبرضو كمان
فينا المرهف الفنان
وفينا الشاعر البكتب
يوم يتهيج الوجدان
وفي الختام ..
للناس الغبش أهدي السلام
للمطموره والعيش الفريك
للزارع براو..
والقاسم حصادو مع الشريك
كسرة خلا ..
رويانه بي موية الكنار
عليها بس شطه وملح
ومرات تكون طرقه قمح
رويانه باللبن السمح
للناس الغبش أهدي السلام
لي جدي والحسو الجرح
avatar
بت الشقله
شقلاوى فعال
شقلاوى  فعال

المشاركات : 108
العمر : 38
تاريخ التسجيل : 18/03/2010

الرجوع الى أعلى الصفحة اذهب الى الأسفل

رد: ناس الجزيرة الغبش

مُساهمة من طرف أحمد حمد في الجمعة يوليو 09, 2010 10:51 pm

ههههههههههههههههههههههههههه
والله ولدنا ماقصر مع بت الخرتوم لكن بيني وبينك الجزيرة زاتها انتهت والحنكشة بقت في جميع الارياف موجودة

تقبلي مروري

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
أين من عينى حبيب ساحر فيه سحر وجلال وحياء____وااثق الخطوة يمشى ملكا ظالم الحسن شهى الكبرياء____عبق السحر كأنفاس الربى ساهم الطرف كأحلام المساء____مشرق الطلعة..فى منطقه لغة النور وتعبير السماء

" />
avatar
أحمد حمد
رئيس مجلس الإدارة
رئيس مجلس الإدارة

المشاركات : 1356
العمر : 36
الموقع : الشقلة عوج الدرب
المزاج : يوم مصافي ويوم مجافي
تاريخ التسجيل : 12/12/2008

http://shiglaonline.ahlamontada.com

الرجوع الى أعلى الصفحة اذهب الى الأسفل

رد: ناس الجزيرة الغبش

مُساهمة من طرف سيد الاسم في السبت يوليو 10, 2010 2:45 am

برضو فى ثقافتها يظل الكلام ده كلام الطير فى الباقير يعني هي مافارقه معاها ان بقى عندو مراح وله بهيمة واحدة

سيد الاسم
شقلاوى مبدع
شقلاوى  مبدع

المشاركات : 265
العمر : 49
تاريخ التسجيل : 11/01/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى