مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

العرس....الزواج

استعرض الموضوع السابق استعرض الموضوع التالي اذهب الى الأسفل

العرس....الزواج

مُساهمة من طرف الطيب البشير في الجمعة مايو 06, 2011 8:58 am

بسم الله الرحمن الرحيم


البوست دة ح يشمل كل تفاصيل العرس الا وهي:

التعارف او قولة الخير

الخطوبة او الشبكة

الشيلة

حبسة العروس ودي داخل فيها الدخاخين والدلك والذي منو

التعليمة "للعروس طبعا"

القيدومة

الحنة "للاتنين"

دة بالاضافة الى نماذج لاغاني البنات المصاحبة لهذا الحدث الرهيب

فطور العريس

الحفلة

الصبحية او رقيص العروس "باغاني برضو بس صور ماف"

الجرتق

وما بعد ذلك

تاني مستنين شنو؟؟؟

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف الطيب البشير في الجمعة مايو 06, 2011 8:59 am

نبدا ليكم من الاول,, قولوا واحد

التعارف وقولة الخير

ودي بتحصل عادة على المستوى الرسمي, يعني بعد ما الاتنين يتفقوا خلاص انهم عاوزين بعض, والاتفاق دة زاتو بيتم عبر طرق عدة: اهمها التجكيس, يعني الواحد يقابل ليهو واحدة في الجامعة او في العمل او في السوق او وهي قاطعة الشارع او راجعة من حفلة او مارقة من كوافير,,,, الخ فيتعرف عليها ويحنكها* وتقوم هي تدهول علي عينها وتصدقو ويكونوا مع بعض ما يسمى بالجكس.

الطريقة التانية انو الواحد يكون قاعد متغرب عن السودان يلقط في القروش عشان يبني مستقبلو ويحلم بالبيت والعرس والاستقرار, ويقعد قدام التلفزيون كل يوم يحضر في الافلام العربية او في القنوات اللبنانية وهو فاتح خشمو ومتمني الله يديهو واحدة زي القدامو ديل. المهم, وبما انو عارف انهم شعر ما عندو ليهو رقبة, وانو مفروض يمد رجلو علي قدر لحافو, يقوم هنا يهب في رحلة للبحث عن الحورية المنشودة وسط غبار وكنداكة الحفلات البتفرج عليها عبر اشرطة الفيديو البجيبوها اصحابو او ابناء الجالية هناك. وفعلا بتاع الكاميرا كالعادة متخصص يلقط في "النجاضات"* حسب فهمو ومقدرتو البصرية, فيلمح ليك صاحبنا واحدة شديييدة بين الكراسي, وبببسسسس ياها دي, ثبتوا الصورة سرييييع, لا, ارجع ورا شوية,, اييييوة, ام بمبي دي,, ياخي اللابسة الفستان البمبي دييييييك. وتبدا بهذه الاشارة رحلة البحث عن ذات الفستان البمبي التي ستتحول الى الزوجة الموعودة.

الطريقة التالتة, انو الواحد يكون شغال وراسو فيهو ستين حاجة وما فاضي يفكر في الاكل والشراب ويلقى امو كل يوم تنقنق, يا ولدي دايرة اشيل جناك قبال ما اموت, خلاص يمة سوي الدايراهو, يعني اشوف ليك عروس؟؟ كويس قلنا ليك خلاص شوفي,, وعند هذه الاشارة تبدا الام رحلة البحث عن العروس. وما ننسى انها طبعا هنا بتكون حاسة بعظمة, فهي العندها العريس وبالتالي تتحول الى محط اهتمام الحلة كلها خصوصا بعد الخبر ما يشيع,, التومة قالو دايرة تعرس لولدها,, عليك الله اها والعروس منو؟؟,, لسة ما اختارت ليهو,, قولي والله ما تقولي انا التومة دي باريدها من قلبي والعجب نجاة بتي والله امبارح عملت لينا خبيز رهيييبب وقالت لي يمة ما مشتهية الا خالتي التومة اريتها لو جات ضاقتو معانا.


* الحنك هو تعبير يستخدم عند اجادة الشاب لمدح الفتاة وجذب اهتمامها
* النجاضة هو مصطلح يطلق على الفتاة شديدة الجمال

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف الطيب البشير في الجمعة مايو 06, 2011 9:01 am

وكل الطرق تؤدي الى روما

وفي النهاية يتحدد يوم للتعارف بين الاسرتين وفتح الخشم او قولة الخير للتاكيد على جدية العريس وابتداء اول خطوة في مراسم الزواج.
واليوم دة بيكون حسب اسرة العروس, يعني لو الواحدة في حالها واسرتها في حالهم وناس خاتين الرحمن في قلبهم بيكون اليوم بسيط ما فيهو اي بهرجة او شمشرة. فقط بيجي العريس ومعاهو , مثلا, اعمامو وخالاتو او كبار العيلة ويشربوا شاي المغرب ويكون معاهو جاتوه او خبيز او بسكويت وطبعا يقدموا ليهم حلاوة وبيبسي وكان الله يحب المحسنين.
اما بقى ناس هيوفة بت قدال البيكونوا عاوزين يقشروا ببتهم السمحة او العريس اللقطة فبيقوموا الدنيا ويقعدوها, وصيوان وحفلة وهلم جرا.
المهم انو في قولة الخير دي العريس لازم يجيب ليهو طقم دهب صغيروني كدة, طبعا دة للطبقة الكادحة, وكم علبة حلاوة المشرف,, برضو دي للطبقة الكادحة لانو لو جاب المشرف لي ناس هيوفة بت قدال ديك ح يجدعوهو بالشباك. وممكن كمان يكون في لبسة لبستين كدة للعروس, واهم شي الكاش عشان يقلل النقاش,, ودة بيتفاوت برضو حسب جيب العريس وهيافة العروس واهلها.


ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف الطيب البشير في الجمعة مايو 06, 2011 9:09 am

الخطوبة

والخطوة دي قابلة للحذف والدمج مع الخطوة القبلها
لكن برضو في ناس بيصروا عليها لانو لازم تكون فيها حفلة وكوفير للعروس وفستان خطوبة وكوشة, يعني يوم مصغر او بروفا لليلة الكبيرة.
وهنا طبعا العريس بيجيب الشبكة وبتكون عادة طقم دهب ودبلتين ويقعدوا كدة في الكوشة زي العصفورتين الحلوين ويلبسها الدبلة وهي كمان تلبسو الدبلة "في الايد اليمين طبعا".
والزغاريد تبدا والفنان يغني والشباب يقوموا يرقصوا.

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف الطيب البشير في الجمعة مايو 06, 2011 9:10 am

الشيلة

طبعا دي اهم خطوة في الموضوع دة كلو لانو هي البيدفع فيها مهر العروس "المال" وعلي اساسو بيتحدد "جيب العريس" وهل هي "عرسة السرور" والا "عرسة السواد والرماد".
طبعا الشيلة بتتكون من المال, يعني الكاش, والدهب, طبعا دة كلام طقم صغيروني ما بينفع فيهو,, وشيلة الملابس,, ودي اقل شي تكون ستة ستة,, يعني ستة تياب ولبسات بطقومهم, وشيلة الاكل ودي طبعا ناس شوال البصل وشوال الفحم وما الى ذلك من مواد غذائية واستهلاكية.

والشيلة زاتها خشوم بيوت, يعني في الناس البعملوها قشرة وتحدي لاظهار امكانيات العريس او جمال العروس الخلى العريس يدفع ويدفق في القروش.
والشيلة بانواعها الشوية والكتيرة بتكون حديث الحلة لمدة اسبوع كدة او اكتر, على حسب الشمار, وطبعا النسوان بيلفحوا تيابهم كل يوم وماشين نشوف شيلة فلانة ويجوا راجعين: اريتها شيلة البنات البريدهم ,, عاد جاب ليها جنس جيب,, الدهب دة ما دهب الغوايش اتناشر والسلسل كرسي جابر والختم دي ما تديك الدرب, وجاب لي امها, اريتو حالي, سماحة توب وموبايل وخاتم قدر الضربة, وابوها عمة وجلابية سكروتة ومركون نمر اصلي وعصاية ابنوس وموبايل اخر موديل. والله لي اخواتها وخالاتها كل واحدة فيهم جاب ليها خاتم دهب. والهدوم اتناشر اتناشر والتياب الحراير, يا ربي باجيك وتسالني, التوب يدخل بالدبلة " طبعا دي كناية عن انو حرير اصلي"

وطبعا ممكن العريس يقلب هوبة, زي واحد جارنا كدة في المهندسين جاب مع الشيلة مفتاح البي ام دبليو للعروس ام ضروس.

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف الطيب البشير في الجمعة مايو 06, 2011 9:11 am

حبسة العروس

ودي طبعا اهم ما يميزها الدلكة والدخان

الدخان والكبرتة

كلمتان رنانتان في سماء المرأة السودانية وهما قمة زينة السودانية في علاقتها الخاصة بزوجها وذلك في لزوم ما يلزم ومالا يلزم ايضا في خصوصية الممارسة وتعديها الي ما ابعد منها في خروج المرأة مدخنة ومكبرتة للمناسبات السعيدة كالأعراس وحفلات الختان و بل تعدت تلك المناسبات وتخطها لحاجز المناسبات الحزينة وخصوصا الوفيات وذلك بغية أظهار الشماتة والتشفي واللا مبالاة تجاه المتوفي زوجها فتظهر المرأة فى كامل زينتها بل و تتحنن وتتدخن خصوصا لتلك المناسبة و يطلق عليها "حنة بيت البكاء" و "كبرتة بيت البكاء" فتغيظ العدى وتبرز سماحتها وجمالها وسط الباكيات المتربات وبذلك تكون مثلا حيا للقائل البليغ "بس لمبة في خشم دكان" ... ما علينا بتلك ومن شابهها ولكنا بصدد رصد هؤلاء اللآئى يتجملن لبعولتهن فقط وان سمحت الظروف ف "للفريجة" من النسوان البغرانات في مناسبات الأفراح و للرجال ايضا: العزاب الطامحين لبعض شمة عطر منهم والمتزوجين منهم الطامعين يالمقارنة و المعاينة ومن ثم تمنى لفتة او نظرة علي غرار "نظرة ياابوهاشم" وان اختلف المقام..فنجد ان معظم شعراء الحقيبة وفنانيها تغنوا بجمال المرأة و أفردوا للدخان والكبرتة وعبق الصندل مساحات شعرية عديدة ولعل اشهرهم ود الرضي في رائعته "الطابق البوخة" والتى أداها الفنان الراحل عبد العزيز ابو داؤود في أواخر الخمسينات من القرن الماضي وصارت من اشهر الأغنيات آنذاك بل وصار يؤرخ لها من حيث تصدرها لائحة اول واكثر الأغنيات المطلوبة في الحفلات والتى تمجد للدخان وتحث النساء علي ممارسة طقوسه...ثم جاء محد المهدى المجذوب بقصيدته الرائعة و "التاريخية" علي حد سواء والتى اطلق عليها اسم "غمائم الطلح" والتى صارت تعرف ب "حفرة الدخان" لاحقا لدى جمع غفير من السودانية العوام ومن ثم اشتهرت بذلك الأسم،وهي من القصائد الرائعة جدا و يقول فيها ود المجذوب
:-


غمائم الطلح
وحفرة بدخان الطلح فاغمة تندي الروادف تلوينا و تعطيرا
لمحت فيه- وما امعنت- عارية تخفي و تظهر مثل النجم مذعورا
مدت بنانا به الحناء يانعة ترد ثوبا الى النهدين محسورا
قد لفها العطر لف الغيم منتشرا بدر الدجى و روى عن نورها نورا
يزيد صفرتها لمعا وجدتها صقلا و ناهدها المشدود تدويرا
أرخى الدخان لها سترا فبعدها كدرة في ضمير البحر مسجورا
حتى إذا ضاق كن أنفذه هين الصعود خصاب الباب مكسورا
و شملة غمرتساقين و ابتدرت كالموج تلمس جيدا رف مشهورا
يرق تحت دخان الطلح ساوره كالدمع في الخد تلماحا و تغويرا
ما شملة لسواد الليل حلكتها و للهواجس تغشى الفكر مخمورا
كالوحوش جاثمة ثقلا فهل حضنت إلا الجمال رقيق العطف منضورا
تكتم العطر حتى يرتوي عرقا منها الجمال كروض بات ممطورا
ترى الدخان على أثنائها زبدا كالريش في نسمات الصبح مبهورا
حتى إذا ما اكتفت قامت و زايلها نجد تساقط مثل الدر منشورا
تخيلت ، وأمانيها منضرة خلف الدخان حبيبا بات مهجورا
و نفضت حلما غنى بوحدتها لحن الصبابة غض الصوت مسحورا




ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ومن يهن يسهل الهوان عليه ... ما لجرح بميت إيلام

الطيب البشير
الأمين العام وعضو مجلس الإدارة
الأمين العام وعضو مجلس الإدارة

المشاركات : 980
العمر : 23
الموقع : فتش عنك تجدني
العمل/الترفيه : الجلوس على النت
المزاج : جبنة وشاي
تاريخ التسجيل : 16/12/2008

http://goal.com

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف ست البنات شمس الحق في السبت مايو 07, 2011 4:21 pm

مشكوووووووووووووووووووووووووووووووووووور جاجات ذاتة ما كنت بعرفها يا لطيب

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
--------------------------------------------------------------------------------

كل أرضٍ تشيلك يا ثقيل الحمول
وكل وقتٍ كريمٍ بالرضا والزعل

وين مارحت تلقى لك حبيب وعذول
وين ما كنت تلقى مثل ياسك..أمل

ست البنات شمس الحق
مشرف
مشرف

المشاركات : 1121
العمر : 29
الموقع : اليمن
العمل/الترفيه : 'طالبة
المزاج : رايق
تاريخ التسجيل : 17/05/2009

الرجوع الى أعلى الصفحة اذهب الى الأسفل

رد: العرس....الزواج

مُساهمة من طرف سيد الاسم في السبت مايو 07, 2011 9:58 pm

تفاصيل ملأى بشياطين الجهل الاجتماعي لحكمة الدين من وراء تمكين الشباب من البآءة
ياريت الشباب من الجنسين فى معالجتهم لمادة هذا الموضوع المهم يا الطيب يعملوا لينا إستفتاء حى عبر هذا البوست
كل من وجهة نظهره، لأولويات الزواج فى تقديره من واقع ماتفضلت به من سرد لعادات الزواج فى السودان
عشان نخلص للحد الادنى من تلك العادات التي تمثل فهما مشتركا عند الجميع وقوموا بإسم وأمر شباب المنتدى بتعميمها كمواصفة
زواج معيارية فى مجتع الحلة عوج الدرب لاسيما أنكم المعنيون بهذا الامر مستقبلاً
هههههههههههه دي مجرد مداخلة خاصة بمادة البوست ولايفهم منها بالضرورة توجه ثابت لكاتب المداخلة تجاه قضية الزواج هههههههههه
ودي وتقديري

سيد الاسم
شقلاوى مبدع
شقلاوى  مبدع

المشاركات : 265
العمر : 47
تاريخ التسجيل : 11/01/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى