مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

خواطر مسطول

اذهب الى الأسفل

خواطر مسطول

مُساهمة من طرف ronny_only في الجمعة سبتمبر 04, 2009 5:09 pm

في الليل داك
وفي نفس المكان الكان
بفتفت فيه كل الهم
واسوق أفراح بدل أحزان
أجيبا معاي من الحبان
ودفتر لف من الدكان
واجيب بالباقي منو لبان
واصنقر في الأرض وانجم
ولما ألف بكون فرحان
بكون هيمان
بكون خرمان
أفت الحمرا في الورقة
وأكب من فوقا سر الجان
ولي صباعي الصغير أمدغ

وامسك للوريقة الحلوة
وأبدا ألف بخور الجان
وبلساني المرطب ديمة
ألحسا بالعرض بأمان
وأبرم للطريف الفوق
واشمّها زي حريف إدمان
واختّها في الخشيم المر
سواد شلوفته زي قطران
وكبريتي الملهلبة نارا
أشعل عودا زي بركان
وامرّر للهب بشويش
سجارة الدوكو دايرة حنان
ولنفيس البداية أجر
وألحقو بالتني بجنان
ويتقل راسي زي صخرة
ويبرد حيلي زي تعبان
واحس برجولي زي مافي
وأهبش فيها زي مرضان
وأبدا في دور من السرحان
وواصل في السجارة شراب
واشوف حاجات عجيبة كمان
أشوف غنماية في فستان
ممكيجة في خشيما لبان
ومرة كمان أشوفلي بحر
وفيه حسان بكل ألوان
وضحكات صاخبة منداحة
والكل بي فرح طربان
وأوصل بالسجارة هناك
محل شوشاوتا وازدان
وازغرت بيها زي نسوان
واجرجر للرجول أوقف
واهبش في الارض حفيان
نعالي نسيته وين ختيته
من جيت للمكان خرمان
وأمسك دربي زي برجل
أدوّر في المشي السكران
وأوصل بيتنا دربه أمان
واشيل الجك وفوت للزير
ده ريقي نشف نشاف البان
واقرطع للجكيك كله
وبرضي كمان بكون عطشان
وأفتح للمواسير سيل
وكل دقيقة بمشي كمان
وفي الآخر سريري حنين
يشيلني نعاس وانوم غمران
avatar
ronny_only
عضو مجلس الإدارة
عضو مجلس الإدارة

المشاركات : 795
العمر : 29
الموقع : الشقــــــــــــــــــــــــــــــــــــــــــله
المزاج : بكره يا قلبي الحزين تلقي السعاده
تاريخ التسجيل : 28/01/2009

http://www.ronaldinho10.com

الرجوع الى أعلى الصفحة اذهب الى الأسفل

رد: خواطر مسطول

مُساهمة من طرف ريكافو تشايريكارين في الجمعة سبتمبر 04, 2009 11:45 pm

ونعم السطلة (دا انتا ولا شنو)
avatar
ريكافو تشايريكارين
شقلاوى جديد
شقلاوى  جديد

المشاركات : 17
العمر : 25
الموقع : الشـقلة
المزاج : صفا وجفا
تاريخ التسجيل : 15/06/2009

الرجوع الى أعلى الصفحة اذهب الى الأسفل

رد: خواطر مسطول

مُساهمة من طرف همس القلوب في الأحد يوليو 03, 2011 6:25 am

تقبل مروري
avatar
همس القلوب
مشرف قسم كلمات الاغاني
مشرف قسم كلمات الاغاني

المشاركات : 992
العمر : 21
الموقع : الشقلة
العمل/الترفيه : النت
المزاج : 100%
تاريخ التسجيل : 25/03/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى