الزواج السوداني مسلسل مكسيكي

تمامة القصة كالآتي
وبعد داك بي سنة واحدة او أقل معظم الهبل ديل بطلقوا زوجاتهم لأتفه الاسباب (فاتنتي) بعد ما طال إنتظارهم لليلة السبت التي تزوجوا فيها بإعتبار أن الزواج أصبح عادي فى يوم السبت لظروف الويك إيند وكدا وعن تجربة شخصية من خلال عملي بالقسم القنصلي بسفارتنا هنا فى واشنطن فى مجال الاحوال الشخصية لايكاد يمر يوم دون نتمم والعياذ بالله إجراءات طلاق للإخوة السودانيين وطبعا معظمهم شباب ولليوم مالاقاني واحد/ه عندو سبب مقنع للإقدام على هذا الحلال البغيض وبالتالي هولاء وامثالهم مازالوا يسهمون فى التفكك والتصدع الذي يعتري الاسرة السودانية الآن لانو كما تفضلتي الناس قعدوا يقرروا الزواج وينفذوه فى قعدة ونسة بعيدا عن أدنى مسوؤلية ودا حقو يخلي الطرفين يقرروا فى موضوع الزواج بعيدا عن أى ضغوطات على أن يتوفر أهم شرط وهو التحلي بالمسوؤلية الكاملة نحو بناء أسرة مستقرة وما لازم يكون الوضع المالي هو الشرط الحاسم فى الموضوع لأنو ببساطة سبب زائل
مع تمنيات الاستقرار والسعادة للازواج
الموضوع مهم
وشكرا على إيراده

مشكورة اخت سماح ( سوسو) وانا راح اقتبس جزء من كلام الاخ اسعد واسأل السؤال المعتاد والمكرر
ما هي دواعي واسباب الطلاق في المجتمع السوداني ؟؟؟
ربما يتفق معي الجميع في ان عدم التفاهم والانسجام بين الزوجين وربما فرق السن وهناك العديد
قد يتفق معي البعض في امور ونختلف في اخرى
ولكن يبقى السؤال مطرو حا ما دواعي الطلاق ؟؟؟

تــ ح ــياتي

الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف








دي عجبتني لانو عندي واحد عرس بي نفس المقطع ده بس بدون كافتيريا
لكن الحمد لله لحدي الان ماعندهم مشكلة
والعرس البيجي بدون تفاهم ويكون فرق السن فيهو كتير ده مصيروا الفشل
وانا قلت الكلام ده من الحالات الشوفتها وسمعت بيها الا من رحم الله
قمة الابداع سماح وننتظر الاحلي

انا شحصيا حضرت ثلاثة خطوبات وهي بقدرة قادر انقلبت لي عقد
وطبعا ودي مسألة ذات حدين صحي ممكن تقصر الاجراءت وتوفر القريشات لكن ممكن تكون سبب في عدم توفر التجاوب
والمعرفة بين الطرفين مما يؤدي الى االانفصال السريع
عشان كدة المسالة دي دايرة تريث شوية ولا مانع من اكمال العقد اذا كان الطرفان اصلا قريبين من بعض ومتفاهمين كالجيران مثلا او الاقارب بحكم التواصل بين الاسرتين اما غير ذلك فكارثة لا شك في ذلك
واخيرا لكي شكري وتقدير يا سماح

مشكورين ع المرور

يسلموو سماح عالموضوع