محمد الامين

من طرف messi2011 الأربعاء يناير 27, 2010 6:09 pm

خمسة سنين

خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر
--------------------------------------

الحــــــــب .. والظروف ..
كلمات: فضل الله محمد

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر--------------------------------------------------
الجريدة

سارحة مالِك يا حبيبة
ساهية أفكارك بعيدة
بقرى في عيونك حياتي
وإنت مشغولة بجريدة
بتقري في إيه كلّميني
ياسلام مهتمه عامله
يعنى لازم تقرى هسا مقالْ
بحاله، وقصّه كاملةْ
كم شهور مرّت علينا
وبينا فرقه شامله
*****
العيون رويانا تبكي
والقلوب مشتاقة امله
*****
أي حاجة تمر بخاطركْ
قصة أو أخبار جديدةْ
عندي ليك خبر أهمْ
جايبو بي أشواق شديدةْ
أسمعي وطاوعيني مرّة
أيوة، ما تخليك عنيدهْ
عايز أقول لكْ
ليه أقول لكْ
ما بقولكْ
مش مخير
ساعة مرت ساعة واكتر
والوقت روّح إتأخر
زى عنادك عايز اعاند
لكن يظهر ما حا اقدر
امرى لله كنت عايز اقول
بحبك يا وحيدة
بقرى في عيونك حياتي
وعاملة مشغولة بجريدة

------------------------------------

انتى مهما تغيبى عنى
اصلو مابتفوتى منى
عايشه فيا ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر
وشوق سنين لزول مسافر
راجى الزمن فى يوم يجيبو
لديارو ولحبيبو
والفريق يفرح يغنى
انتى مهما تغيبى عنى
اصلو مابتفوتى منى
فى عيونك شايله اكوان
من براءة ومن محنه
وعزه تشرب من معزه
ومن تراثنا ومن اصلنا
و وعد غرقان فى نداهو
وزحمة اطفال جوه جنه
وزول بيحلم بالعديله
وفرحة الريد الطويله
ناس تجيهو تغنى ليهو
ناس تبارك وناس تهنئ
انتى مهما تغيبى عنى
اصلو مابتفوتى منى
وتبقى ياحلم الاماسى
شمعه ضاويه فى كل دار
وزهره فى كل المواسم
كل يوم بزيد نضار
تهفو ليك الامنيات
وتزهو بيك الامسيات
وبيك تفرح وليك تغنى
انتى مهما تغيبى عنى
اصلو مابتفوتى منى

تسلم ميسي وشغل جامد شديد
ابو اللمين مافيهو كلام ويا حليل نادي الضباط اكنا مكسرين فيه كسير شديد

محمد الامين

محمد الامين

رد: محمد الامين