نكات جديده لنج

من طرف همس الحقيقه الأحد فبراير 07, 2010 6:45 pm

رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي 2 رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا الرباطابي قال ليه اغالطك كيف وانت الغلاط فاتح ليه مكتب

3 شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية نازلة وراها لكن اتأخرت شوية .. الكمساري قال ليها: نازلة يا حاجة؟ قالت ليه : لا.. لا.. بدور اقدمها للباب!! 4 رباطابى نزل ضيف لناس وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
أنوم بى وين لى تيسك ده... التقول مكوجى مقابل العيد

5 رباطابي مشى لصاحب دكان سمعو تقيل خالص ..قال ليه : أديني معجون حلاقه وأمواس… و صاحب الدكان يستفهم والرباطابي يكرك إلين سمع أخيراً … وأداه قلم ًرصاص وكراس … أخذهم صاحبنا مضطر عشان ما يدخل في دوامة تانية معاه واداه الحساب … سأله صاحب الدكان … : أديك بالباقي شنو ؟ … فقال له الرباطابي: أديني بيهو إملاء

6 واحد بيحكي لرباطابي عن أنواع الثعابين، قال ليهو
في نوع مع عضّتو للزول بيخلّي أسنانو جوّه جسم الزول
الرباطابي: أها وكان لاقاهو زول تاني في نفس اللحظة؟
قال ليهو: ربّنا بيقوّم لو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟

7 واحدة حنكوشة دخلت مطعم قراصة سيدو رباطابى .. قالت ليه ياعمو عليك الله ادينى سندوتش
قاليها يابتى عندنا قراصة كان دايرة سندوتش إلا تجيبى ليك إبرة وخيط