نكتة واحدة بس

من طرف ???? الأربعاء فبراير 10, 2010 12:41 pm

واحد صعايدى امام مسجد فاتتو ركعة

من طرف samahaa الأربعاء فبراير 10, 2010 7:10 pm

هههههههههههههههههههههههههههه

اها والحصل شنو

من طرف انين الحزن الأربعاء فبراير 10, 2010 10:04 pm

ههههههههههههههههههههههههههههههههههههههههههههههههههه ما فهمت حاجه لكن هههههههههههههههههههههههههههههههههههههههاي

[ندعوك للتسجيل في المنتدى أو التعريف بنفسك لمعاينة هذه الصورة]

من طرف حلم الاماسي الخميس فبراير 11, 2010 1:09 pm

رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصار السنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟
--------------------------------------------------------------- الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!
------------------------------------------- واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال لية ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!
------------------------------------------- شافعة رباطابية قاعدة تاكل مع أبوها في الصينية ، قالت ليهو: يابا أدني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!
------------------------------------------- في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..
------------------------------------------- رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..
------------------------------------------- رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يا الصـــــندوق الأســـــود .. الحادث حصل كيف ..
------------------------------------------- رباطابي بتاع فرن جاءهو واحد قال ليهو العيش في النار رد ليهو لا يااخوي في الجنة ..
-------------------------------------------رباطابي جاهو شايقي من السفر قال ليه ارح وريني قبر امي
الرباطابي مشى معاهو المقابر وقال للشايقي اها ده قبر امك
الشايقي قال ليه حددو لي بالضبط ياخي ده ولا ده؟؟
الرباطابي قال ليه يا زول شيل فاتحتك ساي ..اصلك انت داير تديها مصاريف؟؟