عبد الدافع عثمان

مبدع آخر من مبدعي الجزيرة الخضراء ، فنان عملاق صاحب تجربة عريقة وصوت شجي واغنيات ساحرة وخالدة ، عبد الدافع عثمان من مواليد ولاية الجزيرة مدني ، كانت بدايته بعد الجيل الاول من الفنانين العظام امثال الكاشف فواصل المسيرة من بعدهم فناناً وملحناً اجاد اغنيات الحقيبة وتغني لعدد مهوول من الشعراء باغنيات رسخت في ذاكرة الشارع السوداني مثل اغنية الكروان ويوم البحيرة ومرت الايام وغيرها الكثير من الاغنيات ..

مــــرت الايـام
كلمات الشاعر / مبارك المغربي
=======================================

مرت الأيام
كالخيال أحلام
وانطوت آمال
كم رواها غرام

مرت ومرّ نعيم
كان ظني فيهو يدوم
لكنو مرّ سريع
خلّف ورواهو هموم
ألاما ما بتزول
ما بين أرق وذهول
ما كان جزايا أهيم
سميري يبقى الليل
وهوايا لسه ربيع

ما كان خطر بالبال
القاك ويسكرني تعبيرك
أو حين أراك تختال
أهواك وافوز بتقديرك
نتلاقى في إحساس
والحب يهنينا
وكاس المودة تدور
بالبهجة والإيناس
والليل يغنينا
والبدر لينا سمير

ذكراك ما ذكراك
غير العذاب ألوان
لو أستطيع أنساك
أو أعرفك سلوان
ما كان ملكني هواك
يا ريت هواك ما كان
أنساني لو تنسى
أنا للوداد ذاكر
وانا بي رضاك راضي
طول عمري أتأسف
من حسرة الحاضر
واعيش على الماضي

غنيـلي يــا كـــــروان
كلمات الشاعر / مبارك المغربي
======================================

غنيلي يا كروان
واصدح بلحن
يا ملهم الفنان
ألهمت فني

غني الجمال يا صاح
لحن الأماني
واسبح مع الأرواح
فيما تعاني
من لحنك الصداح
هات الأغاني
إعجابي بيك شديد
يا آية التجديد
بصوتك الغريد
غنيلي غني

ما أبرع الكروان بين القيافر
بي جلسة الفنان الفنو نادر
يشجيك بالألحان بين المناظر
وسط القمر والنور
والجو لطيف مخمور
بين الحسان الحور
يحلو التغني

ذكرتني حبي بعد التناسي
وأثرت في قلبي دنيا المآسي
والصد للصبّ نعم المواسي
فاسمعني من دري
تلحينك المغري
غني الهوى العذري
يا صاح غني

إعتـــــزار

================================
من فؤادي الذاكر
لي عهودنا الماضية
لي عهودنا الماضية أهدي شوقي العاطر

ليه تغيب عن قلبي
وانت دائماً حاضر
في الزهور النادية
وفي الطيور الشادية

في الزهور النادية
في الطيور الشادية
في صحائف قلبي
وفي النسيم العابر

انت شخصك غالي
وانت حسنك نادر
الشباب النامي
والشعور السامي

الشباب النامي
والشعور السامي
والحديث المغري
والجمال الساحر

انت شغلي الشاغل
للضمير والخاطر
انت زينة دهري
وانت بهجة عمري

من فؤادي الذاكر
لي عهودنا الماضية
لي عهودنا الماضية
أهدي شوقي العاطر

يـا مـلاكــــــــــي
كلمات الشاعر / مبارك المغربي
=========================

يا ملاكي التايه في سماك
وغزالي المكتوب لي هواك
كيف خلاصي وحبك فتاك
هالكني ومالكني

في جبينك بهجة الأنوار
وفي خدودك رقة الأزهار
إنت روضة تخلب الأنظار
يا حبيبي إنت نور أم نار

أنا راضي بالدلال والجور
لو طيفك في منامي يزور
انت نافر وطيفك مغرور
علمتو برضو يبقى نفور

يا نضارة زهرة الياسمين
وين انت غبت عني سنين
وين ليلة كنا فيها اتنين
في الرقة والشعور تايهين

يا منايا حقق الأحلام
واذكرني في حماك دوام
عسى مرة تعطف الأيام
نتلاقى في سرور وسلام

هــــبــــت نســائم اللــيل
===============================
هبت هبت نسايم الليل
هبت هبت نسايم الليل

أحبابي هبوا ..
نملا النفوس مرحاً سرور
نشوى بي حبُّو

هبت نسايم الليل
صحتني مالا
طرتني أيام ليلا وجمالا
وسقتني كاس الشوق
حتى الثمالة
فتقت جروح في حشاي
صعب اندمالا
وحبيبة كيف يا نسمة تركتي حالا
هي في خيالي
يا ريت انا في خيالا

هبت نسايم الليل جابت معاها
همسات من العشاق خافت صداها
وأنين بعيد مكتوم تناهى
ونحيب جريح محبوس جواها
مرت على الأزهار رطب نداها
مالت طروبا وفاح طيب شذاها

شبيت .. شبيت على ريدم
احبابي شبّوا على ريد سواي
أريتم نالوا حبو
شبيت .. شبيت على ريدم
بالله يا النسمات زول واهي قلبو
وين يلقى غير حِبّو .. في قلبو طبّو

عبد الدافع عثمان

عبد الدافع عثمان

رد: عبد الدافع عثمان

رد: عبد الدافع عثمان

رد: عبد الدافع عثمان

رد: عبد الدافع عثمان

رد: عبد الدافع عثمان