نتيجة فرز اصوات الناخبين - مركز الشقلة عوج الدرب

وبنفس الفهم هنا في مدينتي حائل بالمملكة
المسجلين 1306
عدد الاصوات 1041
982 للمشير عمر البشير

فارق كبير بين البشير وبقية المرشحين في مراكز الاقتراع في أميركا والدول العربية والاوروبية ..



ظهرت نتائج فرز الأصوات في مراكز الاقتراع خارج السودان اكتساح الرئيس عمر البشير مرشح المؤتمر الوطني بفارق كبير عن بقية مرشحي الرئاسة في عملية فرز الأصوات يوم الجمعة. وانتخب السودانيون خارج بلادهم على المستوى الرئاسي فقط.

ونال البشير في الولايات المتحدة الأميركية 117 صوتاً من مجموع 170 صوت، وفي كندا نال 19 صوت من جملة 38 صوتاً، بينما حاز في بريطانيا على 369 صوتاً من مجموع 464.

وحقق البشير نسبة 86,5% في نتيجة الفرز التي أعلنت في دولة الإمارات العربية محققاً 4826 صوتاً مقابل 574 حصل عليها بقية المرشحين، وفي مصر حصل البشير على 2616 صوت من جملة 2955 بنسبة 88,6% لصالح الرئيس. بينما نال في الكويت 484 صوتاً مقابل 55 لبقية المرشحين.

أيضاً اكتسح الرئيس البشير مراكز الاقتراع بماليزيا محققاً 299 صوت مقابل 48 صوت لبقية المرشحين، كما تحصل في برلين على 73 صوتاً من جملة 84 وفي بروكسل على 117 من جملة 144.


للتنبيه

هذه الارقام ليست اكيدة وهي على ذمة
قروب " شباب السودان مع الرئيس البشير " في الفيس بوك

قرية لا توجد فيها الا مدرسة واحدة واساس
وتعاني من ازمة حادة في المياه
وسرقت اراضيها نهارا جهارا
واعتقل مواطنيها لاسباب تافهة
وها هي تصوت لمؤتمر الوطني ومجرم الحرب البشير

عليك السلام يا قريتنا


الشي المحير انو في انتخابات 86 الجبهة الاسلامية ما لقت اي صوت في القرية
بقدرة قادر اتحولت القرية كلها لمؤتمر وطني في 2010
هل هو بريق السلطة ام الخوف ام الجشع

ههههههههههههههههههههههههههههههههههههه




شر البلية مايضحك كلامك مظبوط

ناس الشقله هم الذين ضيعو حقوقهم ولم يطالبوا بها واصلا مافي غير البشير عشان الناس تصوت له
لو إخترنا غيرك ما بنقول أنصفنا


أفرح يا بلد فــــــــرحا رجـــيـــتــو
سنين
هـــللي يا شــعـــوبــــنا وباركــي الفايزبن
كبري يا
العصــــابة الـــفــــي السجود شاكرين
غير رفــعـــة وطــنا وديـنـا شـن
دايـــريـن
*******
مبروك يا وطن فوز البشير
عــزتـنا
سودانية رافعين في شمم هــامـتـنا
خلو الدنيا تعرف
والشعوب قــيمـتنا
ما بتوسد الباردة الــبدور
هـانـتنا
*******
لي حــمـــل التــقـــيـــلة البي الجـــبال
بـتـميل
جــــربناك يا ود الـــبـــشـــير
بــــتــشـيـل
إخترناك لي حــــمـــــولــــنا ومــعاك
بـنـشـيل
بي دعــواتنا بي يـديـنا بي مـهــجا دمـاها
تــسـيــل
*******
لو إخترنا غيرك ما بــنــقــول
أنصـفـنـا
سودانية نحـــن وبالشــهــامة وصـفـنا
أبحرت
الـــمـــراكب يا مــعــين وقدفنا
ما بنودر الدرب البجـــيــبــنا
هــدفــنا
******************************
اللهم أعنا على ذكرك
وشكرك على ما أنعمت به علينا وثبتنا على الحق والعدل وأنت أعلم بنا منا

بت الشقلة
كدي اقري كلامك دا تاني
وكان اقنعتي روحك بتقنعيني

يا ريال سلامات
انا بتكلم عن انو المؤتمر الوني حزب مجرمين وقتلة بشهادة الجنوب والغرب والشرق و كجبار ووووو
وبتكلم عن انو حزب خاوي فكريا بشهادة كل المثقفين فحزب المؤتمر الوطني ما بستند على ايدلوجية فكرية
وبتكلم عن انو حزب حرامية بشهادة المراجع العام في البرلمان وبشهادة المنظمة الدولية للشفافية العالمية الطلعت السودان الرابع فسادا في العالم كلوووووو
وبتكلم عن انو التنمية بتاعت الكباري والسدود غير مجدية في وجود انسان 95 بالمئة من الشعب تحت خط الفقر

و بعد دا بتقول لي مافي احسن منو ؟

قلت لي موية الشقلة كويسة ؟؟؟

المويه والمدرسه مسؤلية ناس الشقله واللجنة الموجوده حاليا يجب ان تقوم بدورها في تطوير القريه

كيفكم ياشباب وهدو حالكم
مع انى ما كنت ناوية ادخل على طول فى المواضيع المسخنة دى بس الموضوع جميل
بالنسبة لانو الشقلة مافيها خدمات كتيرة فانا بشوف دة لانو مساحة الشقلة اصلا مابتسمح باكتر الا انو فى المستقبل يكون البناء عامودى واصلا ما بالضرورة انو يكون فى مكان اقامتك كل الخدمات لانو ممكن الواحد يطلع برة ويستفيد من الثقافات التانية ويتعلم اكتروفى نفس الوكت يوفر احتياجاتووالواحد ما بيعرف قيمتها اكترالا لمن يبتعد عنها
واما بالنسبة لموضوع الانتخابات فالمثل بقول (جنا تعرفو احسن من جنا تجهلو
ولاشنوووووووو

زنكل خلينا من الايدلوجية الفكرية
وخمسة وتسعين بالمائة تحت خط الفقر
نحن حضرنا زمن الناس بتقيف فيهو صفوف عشان التموين عيشتين ونص لكل خمسة افراد
اليوم ممك الفرد الواحد ياكل في اليوم تسعة عيشات بضربها في خمسة افراد للاسرة مثلا يكون المعدل خمسة واربعين عيشة في اليوم

الحاجة الثانية حكاية الفقر دي زمان السودان كان من اكثر خمسة دول فقراً والكلام دة في سنة 89 شوف السودان اليوم

الحكومة الحالية لما انقذت السودان كانت ميزانيته مائة ألف دولار فقط اليوم المبلغ ده عند اي تاجر متوفي

نسبة التضخم كانت 200% اليوم 20% فقط يعني انخفض التضخم بنسبة كبيرة جدا تفوق ال180% خلال العشرين سنة الماضية

خلينا من ده كلو الاحزاب الاخرى عملت شنو لما مسكت البلد غير دخلتها في ديون

zankal كتب:قرية لا توجد فيها الا مدرسة واحدة واساس
وتعاني من ازمة حادة في المياه
وسرقت اراضيها نهارا جهارا
واعتقل مواطنيها لاسباب تافهة
وها هي تصوت لمؤتمر الوطني ومجرم الحرب البشير

عليك السلام يا قريتنا


الشي المحير انو في انتخابات 86 الجبهة الاسلامية ما لقت اي صوت في القرية
بقدرة قادر اتحولت القرية كلها لمؤتمر وطني في 2010
هل هو بريق السلطة ام الخوف ام الجشع

معليش يازنكل

(أزمة الميته الحادة)
أنا بعتبر الكلام ده غير صحيح والتعليل انو حتى لو الكهربا قاطعة المويه بتكون شغالة في القرية
اضافة لذلك فاتورة المياه في جميع المناطق المجاورة 18جنيه للشهر وفي الشقلة فقط 5 جنيهات
عن أي أزمة تتحدث

ازمة المياه التي اتحخد عنها
عايشتها انا اثناء فترة معيشتي في القرية
ازكر تماما كيف كانت المياه تنقطع عن القرية لايام وايام
ازكر تماما تلك الجرادل التي كان يحملها ابناء القرية مستجيرين ببقايا مياه في ماسورة يشرب منها الغنم بالقرب من جياد
ولكن
يبدو ان زاكرتكم معطوبة


اما حول توفر المياه حاليا وفاتورتها المنخفضة
سؤال منطقي وموضوعي
هل بحث او فكر احدكم
في كمية المرضى من القرية في مستشفى جياد واسباب مرضهم و اقصد تماما حالات الاسهال والتايفود وغيرها من الامراض التي تعرفون تماما انها من المياه المسرطنة بالقرية


لا تكابرو فحال قريتنا يغني عن السؤال

حالها كحال كل بلادي فهي جزء منها

طيب يا اخوان حوار زنكل جميل وردودكم اجمل
انا في رايي نعمل حوار بين زنكل واحد الاعضاء عبارة عن مناظرة يديرها عضو اخر
ونكون نحن حكما
بالجد يا اخوان دا ما موضوع بسيط عشان نتناساو دايرين نتعلم اكتر ونصل لي نقطة التقاء
وحا نعمل انا واحمد حمد على انشاء هذه المادة وخلق الحوار وذلك بعد موافقة كل من زنكل واحد المتطوعين

زنكل انت تذكر تماما كيف كانت المياه تنقطع عن القرية لأيام وأيام
ترى متى كانت تلك الحقبة يازنكل؟
عفواً ذاكرتي لم تسعفني

وأين تقع تلك الماسورة التي ادعيت نريد موقعها

عزيزي زنكل

ماأذكره جيداً أن المياه في القريةلاتنقطع أبدا الا بسبب عطل في البيارة وحينها فقط نشرب من مياه جياد

واليك ان تصدق هذه الكذبة

بعض سكان القرية لايدفعون فاتورة المياه الشهرية ولم تنقطع عنهم الخدمة هل تعلم؟

بيبو ماغسيل مخ ولا حاجة

الحكاية وااضحة وبعدين المؤتمر الوطني اصبح وعاء جامع وليس حزبا
وان شاء الله كل من شارك في الانتخابات ستكون له فرصة تنفيذ برنامجه

الاخوان ابراهيم وزنكل
لكم التحية
غايتو نحنا فى نظرنا البشير هو القوى الامين
بس نظرتكم ما عارفنها الى اى اتجاه تتجه
انساء الله ما تكونوا من مؤيدي السودان الجديد الذى يتحدث عنه ياسر عرمان اماالاوضاع التي تتحدثون عنها كانت من قبل الانقاذ موجود ه ولكن الصراعات والفتن التي تاتي من القرب هي التي ادت الى تفاخم المشكلات وعدم الالتفات اليها

يابيبو الثروة البتتكلم عنها انسرقت زماااااااااااااااااااان
وسؤالك لي بت الشقلة جوابو عندي اذا سمحت لي بالرد
لكن افضل انها تجاوبك بنفسها

الشيء الذي جعلنا نحب البشير ونشهد الله على حبنا له هو تواضعه وصدقه ونزاهته وغيرته وحرصه على مصلحة البلاد وأيضاً بركته حيث ان الأرض جادت بخيراتها والمصانع جادت بمنتجاتها والمدارس وجامعاته جادت بالعلم الوفير مما ادى الى نهضه يعرفها البعيد قبل القريب والان اذا ذهبت الخرطوم ستجد تطور لم يسبغ له مثيل وبالنسبه للمواطن البسيط الان واناشايفه ان كل مقومات الحياء موجودة من عمل وصحه وتعليم والان الناس بتتعالج بالتامين الصحي والمواصلات متوفره في اي وقت واذا دخلت اي بقاله تجد كل ما تريد واذا بنتكلم عن المواطن في الشقله الناس الان في اي بيت تجد كمبيوتر و تجد الثلاجه و البتجاز و المكروييف الناس الان يتاكل دجاج وبيرغر وبتشرب موكا

انا ماقلت هم يابيبو
الثروة شالوها الانجليز والمصريين
وبعدين يابيبو انت اآن في بلاد غربة هل وجدت أماناً لم تجده هنا في بلدك
وهل كنت في بلدك تنوم جائعاً وهل مرضت ولم تجد ثمن الدواء وهل خرجت
إلى مكان ما وثيابك ممزقة

شباب نحن اولاد الانقاذ وقبل الانقاذ مابنعرف شيئ
اهلنا كانو بحكو لينا عن صعوبة الحياة والمجاعة وصفوف التموين والتصحر حتى الجراد الصحراوي كان مامخلي لينا زرع
اليوم الحمد لله كل فرد مننا مستقر وبياكل حسب مزاجه ماعايز بيرقر ياكل بيتزا والماعاجباهو البيتزا ياكل ماكدونالدز
وموية الصحة وشامبيون وفينو والله ربنا يخلي لينا الحكومة دي صحيح نحن ماوعينا غيرها لكن حسب سمعنا هي الافضل