كلام كسل السودانيين دة حكايتو شنووووو

ياشباب عايزة اعرف رايكم شنو فى القصص والنكات البتتقال فى حق السودانيين عن انهم كسلانيت وبيحاولو دائما يحاربو بيها السودانيين بالخارج اصلها شنو ووراها منو
وعلشات اوضح ليكم اكثر اقول ليكم واحدة من النكات دى
قالو فى سودانى جاهو شلل فقام اصحابوا جو علشان يباركو ليهو فقام من فرحتو انفعل ووقف على حيلو فلمن لقى نفسو اصبح كويس قال ليهم الله يعمل ليكم شنو ضيعتو على فرحتى وغيرها وغيرها اكثر واسخف
بالجد هى حاجة اسخف من سخيفة واتا الحمد للة ربنا مدينى الشجاعة انى احارب التكات دى فى اى وكت ومهما كان من قالها سودانى ولا غيرو بالهظار ولا بالجد وانى بطلب من كل واحد يطعرض لى موقف زى دةمايسكت عنو ويعرف الوراهو مين ويحكى لينا لانو دى يعتبر نوع من انواع الدعاية السلبية والهدامة ضد السودانيين
وارجو التفاعل لانو الموضوع دى مابسييط وتحباتى

والله يابنت الزعيم انا بلقى كتير من النكات السودانية فى كثير من المواقع وخاصة السعودية
وهذا شى غير مقبول
ومشكورة على طرح الموضوع الرائع

والله الحاجه بنتعرض ليها احنا البنتواجد خارج البلد اكثر وبضايقنا كثير


وشكرا للموضوع المميز

والله يا بت اازعيم من ناحية الكلام دا غلط وشي باين لكل سوداني انه بالعكس السودانيين من انشط الشعوب
لكن برضو البقول الكلام دا عندو نسبة من الصواب لانه انا شخصيا بشوف السودانيين خلينا نقول المقيمين معاي هنا في مدينة حائل بالمملكة من اشد الشعوب كسلا
اعتقد دا برجع الى انو الواحد بعد شاف التعب والهم ايام زمان قال ارتاح واتعود على الترطيبة لمن ما شاء الله الكرش وصل ال......
يعني تقريبا عامة السودانيين خارج الوطن العزيز ما شاء الله مشرفننا وفاضحننا بالكسل دا
دا رايي والله يا بت الزعيم مع انك بتعارضي الراي دا لكن فعلا انا شايف الكلام دا

والله وبقى ينضرب بينا المثل يا ريت في شي نافع
ههههه في الكسل

Thank you