نسب العسيلات

من طرف أم أيمن الخميس نوفمبر 19, 2009 3:18 pm

بما اننا كتبنا عن نسب الشقلة فلابد ان نكتب عن العسيلات وهم ايضا من اهل الشقلة

قبيلة العسيلات الاشراف

قال تبارك وتعالى :-
" ياأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقيكم . "
فالناس كلهم لآدم وآدم من تراب . وقال صلى الله عليه وسلم
من أبطأ به عمله لم يلحق به نسبه .
وقد استخرنا الله ورجعنا لحديث نبيه صلى الله عليه وسلم الذي لاينطق عن الهوى والذي يقول فيه (تعلموا من أنسابكم ماتصلون به أرحامكم ) . فنحن في زمن كثرت فيه مشاغل الناس حتى نسوا أنسابهم أو كادوا ، وعليه فقد رأينا أن نجمع أنساب قبائل رفاعة بوجه عام ونسب العسيلات بوجه خاص ، وليس ذلك افتخارا بالنسب فنحن في اسرتنا المحصورة بحدودنا الجغرافية سودانيون لافضل لاحدنا على الآخر إلا بمايقدم لرفعة هذا البلد من عمل . وفي نفس الوقت فإننا بشر نحب الخير لكل الإنسانية مهما اختلفت أديانها وأجناسها ، ولكن عملا بقوله صلى الله عليه وسلم حاولنا أن نعرف من أنسابنا مانصل به أرحامنا . والوصول بالنسب ألى الرسول صلى الله عليه وسلم من أصعب الامور على المسلمين أن يفتروها عليه . لانه صلى الله عليه وسلم قال : ( لعن الله الداخل فينا بلانسب والخارج منا بلاسبب ) فنحن الحمد لله ندرك ذلك وعليه فلا نريد إلا أن نربط نسبا صحيحا اليه صلى الله عليه وسلم .

يعود نسب العسيلات إلى جدهم السيد رافع ( جد الرفاعيين ) وهو
السيد رافع بن السيد عامر بن السيد الحسين بن السيد إسماعيل بن السيد عبدالله بن السيد إبراهيم القرين بن السيد على الرضا بن السيد موسى الكاظم بن السيد جعفر الصادق بن السيد محمد الباقر بن السيد على زين العابدين بن السيد الحسين بن الامام على رضى الله عنه وكرم وجهه وإبن السيده فاطمة الزهراء رضى الله عنها بنت سيد العرب والعجم سيدنا ونبينا محمد صلى الله عليه وسلم .
والسيد رافع هو والد السيد حمد والذى توفى بالعتمور فى شمال السودان وسمى بعتمور إبى حمد وكانت وفاته خلال نزوحه من مصر للسودان وخلف حمد والده رافع فى مكانته وله من الابناء عشرون ولدا كونوا قبيلة الرفاعيين الاشراف وهم

عسيل : جد العسيلات ويسكنون شرق وغرب النيل الازرق وجنوب الخرطوم

حلو : جد الحلاوين بريفى المحيريبا
حسن المعارك : جد العركيين بريفى المدينه وريفى الشكريه
شبيل : جد الشبيلاب ولهم فروع فى ابى عشر وابو فروع
زنفل : جد الزنافله ويسكنون كلكول بريفى المعيلق
معضاد : جد المعاضيد ويسكنون الطلحه بريفى الشكريه
على الاشقر : جد البشاقره بريفى المعيلق
حجاح : جد سكان حلة ود جميل بريفى المعيلق
قاسم : جد القواسمه بريفى الحوش وشرق النيل الازرق وجنوب مدنى
عامر : جد العوامره بريفى الحلاوين والمعيلق
محمد طويل : جد الطوال بابى عشر وريفى المعيلق
فرج : جد الفراجين جنوب السديرات بالجزيره
ظلموط : جد الظلاميط سكان جبل ود المطورى غرب جبل مويه
شبرق : جد الشبارقه شرق النيل الازرق وجنوب مدنى
عبدالله القرين : جد العبدلاب سكان الهلاليه وحلفاية الملوك
هلال : جد الهلاليه بريفى الشكريه
حسن وحسين : واحفادهم بالروصيرص وابو رماد
كتمور : جد الكماتير بريفى سنجه
عقيل : جد العقليين شرق السديرات بريفى المعيلق

اشكرك كثيرا يا ام ايمن لانك ذكرتي نسب اهلي وبصراحة انا بفتخر بي اهلي العسيلات
نحن بنوالحسين والزهراء حبوبتنا
يوم الدق النحاس اياه يوم حوبتنا
نحن الصالحين شربو عقاب كوبتنا
نحن السم شربناة والدابي فوق عبتنا
طبعا ديل نحن العسيلات احفاد الرسول صلي الله عليه وسلم

مشكوره اخت ام ايمن هاك يا ستو باقي الكلمات
نحن الفي دفاتر العز اتسجلنا
ندرج للرفيق لي فلسو ما عجلنا
ان طاب طاببناه وان فلس اجلنا
نيران البواطن بي مظاهر الجنه

تعال يا حبيبي النريك صفاتنا
ما عاشرنا زول ضاق عسلنا وفاتنا
نحن رجال عمل نحن الخشن كفاتنا
نحن وفانا مع العاشرنا حدو وفاتنا

نحن التسعه مننا الكانو قلبوا الحربه
نحن فزعنامابشيل في السعن غير شربه
نحن عشيرنا مابحس طول العمر بالغربه
نحن مقدنا نحن دخننا نحن جرمنا فرج الكربه

نحن اولاد عسيل خاتي الذبابه عسلنا
نحن طبعنا مع العاشرنا نرمي رسننا
ساميه اخلاقنا طاهره ارحامنا قل مثلنا
نحن صبينا سيف الصاقعه مابدور سنه

نحن عسلنا ما بمسخ بطول المده
نحن البجينا غريب علينا مبده
هينين لينين ما فينا حده وشده
نحن ود بتنا في الرجال عليه المده

نحن المحسنين العالمين تعرفنا
نحن رجال عمل نحن الكتير طارفنا
نحن الضاق عسلنا اصلو ما بفارقنا
والغلا ان تفحل نحن بيطردو جرفنا

نحن الجار والعشير بنعزه
نحن ابواتنا كتلوا الجرده رجعوا يهزوا
نحن ابواتنا ما بتمزوا ما بتهزوا
نحن بحرنا فوق لي سدرنا طالع نزوا

نحن الشاطي هولنا وسيوف العده
نحن ابواتنا كتلوا ردوم في حرب الجرده
الدراقي مننا هابوا فارس اب قرده
ابواتنا سبوا السيوف والناس سبيهم خرده

من طرف hadeel al-ajab الأربعاء ديسمبر 02, 2009 12:31 am

يا ام ايمن انت موثقة عطيمة خاصة الموضوع يخص اهلي و قبيلتي العسيلات الاشراف التي اعتز و افتخر بها بجانب قبيلتي المحس اولاد ابو فركة سيد الاجهورية وانا بت القبيلتين العسيلات و المحس

ومشكووووووووووووووووووووووووووووورة يا ام ايمن [ندعوك للتسجيل في المنتدى أو التعريف بنفسك لمعاينة هذه الصورة]

من طرف **أحمد حمد** الأربعاء ديسمبر 02, 2009 12:27 pm

مشكورة أم أيمن على موضوعك الجميل وصدق رسول الله صلى الله عليه وسلم
انتو مشيتو بالنسب حتى وصل لسيدنا الإمام علي كرم الله وجهه
لكن نحن عايزين النسب يبدأ من رافع ويصل لأصغر زوول في العسيلات
تقبلي المرور

من طرف hadeel al-ajab الأربعاء ديسمبر 02, 2009 3:48 pm

يا احمد حمد انا هديل الفاتح العجب حفيدة رافع و عليك انت ان تحسب رافع الجاب..عسيل الجاب ......................الخ الجاب ابراهيم الجاب الفاتح الجاب هديل

من طرف ibrahim ali الأربعاء ديسمبر 02, 2009 3:54 pm

العسيلات هم من اكرم القبائل السودانيه

من طرف hadeel al-ajab الأربعاء ديسمبر 02, 2009 4:15 pm

هذا اطراء كبير لينا يا ابراهيم علي

من طرف ibrahim ali الأربعاء ديسمبر 02, 2009 4:22 pm

شنو اطراء انا ماجبت حاجه من عندي
لوماخايف اقولو شكار نفسو ابليس كان كتبت اكتر
عشان انا عسيلاوي ماعايز اكتب

من طرف habibo_only الخميس ديسمبر 03, 2009 3:28 am

ibrahim ali كتب:شنو اطراء انا ماجبت حاجه من عندي
لوماخايف اقولو شكار نفسو ابليس كان كتبت اكتر
عشان انا عسيلاوي ماعايز اكتب

تكتب شنوانت زاتك عسيلاوي نص كم
مابتنجح معانا

من طرف ???? الخميس ديسمبر 03, 2009 3:49 am

الله الله الله دا منو العسيلاوي النص كم دا

من طرف habibo_only الخميس ديسمبر 03, 2009 4:01 am

ابراهيم عسيلاوي نص كم

asaadahmad كتب:الله الله الله دا منو العسيلاوي النص كم دا

من طرف ???? الخميس ديسمبر 03, 2009 4:17 am

ياخي الزول دا كان بتلب البحر دا طوالي بى هناك كان بمشي وين
حاجه غريبه والله

من طرف **أحمد حمد** الخميس ديسمبر 03, 2009 12:00 pm

hadeel al-ajab كتب:يا احمد حمد انا هديل الفاتح العجب حفيدة رافع و عليك انت ان تحسب رافع الجاب..عسيل الجاب ......................الخ الجاب ابراهيم الجاب الفاتح الجاب هديل

الأخت هديل العجب نترك هذا الموضوع لكاتبه

من طرف **أحمد حمد** الخميس ديسمبر 03, 2009 12:06 pm

ibrahim ali كتب:
العسيلات هم من اكرم القبائل السودانيه

فعلاً مرة أنا كنت قضيت يوم في العسيلات (القويز) بصحبة صديق لي وماشاء الله الشباب كلهم إتلموا في بيت صديقي
وكل زوول جاب صينية عشاهو (إختلفت الأصناف) وبقت (الشعيرية) ملكة وعرفت بعد كدة إنو الشعيرية عندهم مهمة شديد التحية لهؤلاء الشباب على كرمهم الفياض (يجيهم ضيف واحد تجيهو خمسة صواني) عيني باردة
تقبل المرور

من طرف ibrahim ali الخميس ديسمبر 03, 2009 12:40 pm

اسعد وحبيبو
واحد اصلح والتاني اشوت

من طرف **أحمد حمد** الإثنين ديسمبر 07, 2009 12:01 am

ibrahim ali كتب:اسعد وحبيبو
واحد اصلح والتاني اشوت

الجماعة ديل بدورو فيك

اهل اولادي ديل ناس تمام ادوهم حقهم كامل وفعلا هم ناس لينين ما فيهم حدة

حرم عليكم

لك التحية ام ايمن
والله الواحد ماعارف يشكرك كيف علي الموضوع المهم ده
وياجماعة ام ايمن ادتكم البداية وماقصرت الباقي نجيبو نحنا والا شنو
مشكورة

نسب العسيلات

نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات

رد: نسب العسيلات