اسئلة خاصة بالشقلة

معظم الناس ماحتعرف حليو

خلاص انا عرفتها اول ولد دخل الجامعة شوفيها صاح ولا غلط هو هاشم عبد الملك او محمد كاندواهلو بين الشقلة و السديره

اول بت اعتماد ابراهيم الامين ودرست في جامعه الاحفاد
واول ولد هاشم عبد الملك لما الجامعات كانت جامعات

أولا حمد لله على رجوعك مرة أخرى سارة عبد الرحمن
إحتمال يكون (محمد علي كندو) قبل هشام عبد الملك والله أعلم

والله حسب معلوماتي محمد علي كندو
لنو من الجيل الاول في التعليم في السديرة

انا عرفت الولد هو هاشم بن عبد الملك

ليه المشاكل من شن ما سؤال عاااااااااااااااااااااااادي بس العندو اجابة ينزلها انا ما شايفة فيه اي شي وكل مرة حاجيب اسئلة عن الشقلة وتكون كمعلومات عامة وللفائدة العااااااااااااااااااااااااااااااااااااااااااااامة وشكر ا ................

اول ولد هو محمد على كتدو اول بنت هى رحاب مصطفى السيد وانا مع ابراهيم على الموضوع حا يولد مشاكل

زي ما قالو الموضوع ده حيجيب المشاكل

شي عجيب انا ما عارفة اية اللي ح يجيب المشاكل يعني لو قلنا زيد او عبيد اول من دخل الجامعة اية المشكلة في كدة وانا افتكر دا تاريخ ما في حاجة تمنع انو الناس تعرف اول شخص دخل الجامعة وما يعني اول شخص دخل الجامعة انو بقية الناس فيها نقص والله انا نظرت للموضوع بنظرة انو الناس تحاول تدخل مواضيع واسئلة تخص القرية بروح مرحة وانا بفتكر نقول كلمة شكر لاول شخص دخل الجامعة ونقول للاخت ناهد بنت العدني فكرة طرح الاسئلة جميلة وياريت تواصلي

موضوع جميل لكن يجب ان يكون فيه شي من المصداقيه اول خريجه في الشقله من امدرمان الاهليه
وهي مي بشير الجيلي سنه 1996

اول بنت هي مي بشير الجيلي ودرست في جامعة امدرمان الاهليه

اما الولد فهو هشام عبد الملك ومحمد علي حيث كانوا في دفعه واحده

تقبلي مروري

اول البنات هن
1/مي بشير الجيلي
2/نجلاء بشير الجيلي
3/هنيه عبد الله عبد الكافي
4/نجوي محمد احمد
5/سوسن بشير الجيلي
6/لمياء الصديق احمد
7/رحاب مصطفي السيد
8/اعتماد ابراهيم الامين
اما الاولاد هم
محمدعلي كندو وهشام عبدالملك في نفس العام

وبالمناسبه هشام عبد الملك هو اول خريج حيث تخرج من جامعه الخرطوم
كلية الاقتصاد

علي ما اعتقد زينات محمد اخذت 2
diploma 1997 from sudan opening learning orgnazion
diploma 2007 from sudan National centre for languages

عاوزين مشاركة كل الاعضاء عشان اعطي الاجابة بعدها واجهز السؤال التالي

طيب حتى تعم الفائدة اكتر يا ريت نكتب التواريخ لانو الكلام دا كلام فضفاض بدون تواريخ

و الله يا بنت العدني دي اسئلة عادية و جميلة جدا و ما بجيب اي مشاكل كما قال بعض الاخوة اذا جاوبت صح او خطا في النهاية حا تعرف معلومة
عن ابناء القرية

يا جماعه خليكم من المشاكل وساعدوا الطلبه الممتحنون في مرحلتي الاساس والثانوي كي يكون عندنا خرجين كثيرون وينفعوا قريتنا

أنا بقترح يا أحمد تعملوا قاعدة بيانات للمنتدى تحوي أسماء الخريجين والخريجات والجامعات التي تخرجوا منها وسنوات التخريج والتخصصات حتى يمكن الاستفادة منها لاحقا لو ربنا هدى النفوس والناس فكروا جادين فى إنشاء رابطة والفكرة ممكنة لو كلو عضو فى محيط أسرته زود المنتدى باسماء ومعلومات الخريجين الموجودين فى الاسرة المعينة وأنا شخصيا شاهدت مثل هذا العمل
تم تطبيقه فى منتديات قرى الحلاوين حيث إستطاعوا حصر خريجي أكثر من 25 قرية من قرى الحلاوين والاعداد كانت بالاف
وأنا متأكد إنكم حاتزهلوا باعداد الخريجين الفي القرية عشان تعرفوا إنو العيب فينا

فعلا كلامك صحيح اسعد والفكرة دي بداها ابوبكر بشير مساعد قال يكتبو اسماء الخرجين بالقرية ولكن كالعادة احبطت وعلي فكرة ما كل حد في القرية ولا في المنتدي عارف الناس الدرسو الجامعات بدري انا عرفتهم بالصدفة وكمان في ناس دارسين معاهد عليا يعني لو اي حد قدم المعلومة العنده المش عارف بيعرف المعلومة وكمان حصر الخريجين فكرة كويسة وفي اغلب المنتديات منفذة وكمان مقسمين لتخصصات وما اي موضوع يفتح يخص القرية تقولو بيجيب مشاكل المنتدي دة للتعريف بالحلة وتوضيح معلومات عنها مش كل ما عضو نزل موضوع بيخص القرية تقولو الموضوع دة بيجيب مشاكل طيب هو منتدي الشقلة عوج الدرب يعني نكتب معلومات عن ناس المسعودية ولة الجديد السنة الجديدة للمنتدي عاوزيين نتجاوز فيها الخلافات الشخصية ونسمو بالمنتدي لمكانة ارفع ولة كلامي دة غلط .

الكلام دا مامنو فايده للقريه اسعوا لحاجات تانيه تفيد القريه وهي محتاجه للتطور كثير

اتفق معك تماما أخت ناهد فى ماذهبت اليه
وأختلف مع همس الحقيقة لأن أهمية رصد الخريجين على لمنتدى تعد إحدىجوانب التعريف بالقرية بجانب تسهيل الاستفادة منهم اذا صدق العزم
ياريت نستفيد من المنتدى وتطرحي للناس افكارك حول الحاجات المفيدة للقرية يا اخت همس الحقيقة
عسى ان تكون تدشين لعمل مفيد للحلة

يا نا هد استمري في اسئلتك و نحن متشوقين عشان نعرف الاجابة الصحيحة و كذلك لاسئلة جديدة

و ايضا افتخر باول معلمة بالشقلة عوج الدرب الخالة طاهرة خوجلي الوسيلة حفظها الله و رعاها

المعذرة 0 كون اني خاشي عن طريق الاخ الجعيدان 0موضوع اول طالب جامعي رغم انو لا يفيد كثيرا في تطوير الشقلة او فواىده قليلة لكن تبقي كمعلومة كان من المفروض ان يتعمل كرنفال في القرية يقوم بتكريمهم حتي تكون في غيرة لان التعليم في القرية مش ولا بد وطلاب الزمن دا اعمارهم صغيرةالواحد فيهم لو فشل في الدراسة لايقدر يقراء ولا يشتغل وانا قصدتا بالكرنفال حتي تصل المعلومة للجميع ويستحسن مناقشة تدني التعليم في القرية والله الموفق 000000000000000000احمد دفع الله =الوي000000000000000

السؤال شيق ويكفي ان البعض شارك مهما كان الراي في النهايه بحث عن المعلومه باي طريقه وحكاية بجيب مشاكل دا وهم عايشين فيه نحنا شباب وشابات القريه العيب فينا نحنا حقو نصلحو وبعداك نشوف هل بتكون في مشاك احيييييك علي السؤال المشاكل نحنا مفرض نتقاضه عنها بحكم اننا علي الاقل الاوعي والافهم

الابن احمد دفع الله اولا مرحب بيك في المنتدى وانشاء الله المرة الجاية تكتب بي اسمك وانت عضوء معانا في منتدى الشقلة وانا من هنا بدعوكم انتم شباب الشقلة لتكونوا رابطة شباب القرية لتقدموا كل ما في استطاعتكم لخدمة القرية وتناقشو موضوع التعليم وكل المواضيع اللى بتخص القرية والامل فيكم انتم الشباب لان ابواتكم اكيد مشقولين بهمومهم ومشاكلهم الحياتية ويا اخت ناهد والاخ اسعد فكرتكم جميلة

يااخت ناهد انا لما قلت الكلام دا كانت الفكره جميله لكن بدا الاعضاء يتناقشون فيه وخلوه موضوع دا قبل دا وحا تكثر فيه الاقاويل ويسبب المشاكل علشان كدا انا قلت كلامي وبكرر التفتوا الي الطلاب الممتحنين وخاصه طلاب مرحله الاساس لانوا المدرسه السنه الفاتت رسبوا كثير من الطلاب

شنو يا ناهد ما وريتينا الاجابه الصحيحه شنو؟؟

والله كلنا منتظرين نشوف دي منو

سألت ماما قالت هاشم ومي
بس انتو ورونا الاجابة الصحيحة