أم اليتامي# محجوب شريف

مشكورين ابراهيم وأحمد
تقبلو المرور

في اللحظه ديك والتو
لحظه الميلاد
كنت نقطه ضو
فرهدت بيك فرهيد
وانتشيت بالريد
وطيرت بيك الجو
قالو ايضا بت
قلت مالو ولو
بختي بختي
انتي بتي
امي اختي
همي شيلي
شيلي مني
مني ختي

تبتبا تبتبا تبتبا تب تب
بكره حاتعرف تقرا وتكتب
وياما ترتب
نحنا بنحلم وكم نتمني
وهي تحقق كل ماتحب
تبني حياتها الند بالند
اي مكانه وخانه تسد

هدهدا هدهد
كل الورد ينوم ويفرهد
زي عصفوره تطير وترك
تحبا وتمسك وتاني تفك
سيبا تفكفك سيبا تلكلك
عايزه تنطط
بكره حاترسم وياما تخطط
بكره حايبنو مدائن ضو
مابيعكر صفو الجو صفاره حرب
تشطب من قاموس الدنيا
الضرب الشك الخوف
ينعمو كم بالشم والشوف واغاني الحب

لكم الشكر كل الشكر
الشاعر محجوب شريف
ابراهيم
احمد
ساره