الدكتووووووووووووووووور "المقادير"

من طرف ronny_only الخميس أبريل 01, 2010 12:57 pm

اشكيهو لي مين القدر ..

واشكي المقادير لي منو ..

شوفوها خلت حالي كيف ..

تحزن عدوي وتحننو ..

****

بقت الدموع اقرب صديق

لي عمري لي قلبي الرهيف

جفت زهوري الخدرت ..

صبحت فصور الدنيا صيف

حالي العلي حال السواد

بكاني عاد احكيهو كيف ..

لا فرحه من بعد بشوف لا نسمة لا رشة خريف ..

****

بعد الفرح طلة القليب ..

جات المقادير ادمتو ..

يا حليلو كان ضامي الفرح ..

كل الهموم جات ضمتو ..

اصبح شتات وسط الرياح ..

لا بسمه لا ايد لمتو ..

يوم الفرح اصبح دموع

يا حليلو ماتت غنوتو ..

****

راح الفرح واصبح سراب

من عمري كم اصبح بعيد

وانشر في دربي الجفاف

واتحطم القلب البريد ..

لا لاقى نور في سكتو

لا طله في دنياهو عيد

بعد الفرح ما كان قريب ..

جات المقادير ماده ايد ..

تحياتي