مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

الراندوووووك

استعرض الموضوع السابق استعرض الموضوع التالي اذهب الى الأسفل

الراندوووووك

مُساهمة من طرف ronny_only في الإثنين أبريل 05, 2010 1:15 am

التكل هو المطبخ
الكذلك = السكين
الكنش = المفراكة
الخدرة = الملوخية
بصل المكادة = الثوم
الفندق= المدق(يستخدم لسحن البهارات والثوم ....والخ)
المقشاشة= المكنسة
حلة الفلاته= إناء يستخدم لنضاج (البليله) وغيرها من (الملحات)
والمصطلحات دي كانت متعلقة بالمطبخ

****************** *********** ************************
الزاموك= البنت
الجاحه= البنت
البقاقه= البنت
السنقنق= البنت (عمر 19 سنه)
قرمبوزه= بنت عمر 15 سنه
التتي= البنات
الحسس= البنات
سحسوح= مدلل
حنكوش= مدلل
صبره= ولد وسيم

****************** ************ *********************
هوي يا التلب ما تشعبط في دفار ما دفارك اقصد شغلة ما شغلتك
اها يافرد انشالله مرطبين
نجي لرندوق الكماسره
بلف = كمساري
جوكي = السواق
جلابي = صاحب الحديدة
الحديدة = الحافلة او البص او اي وسيلة مواصلات
رقعة = عطية بلا داعي
بيجازك = شتت
شتت = اتفكفك
اتفكفك = امشي
فردة = صاحب للطيش


************* ***************** *****************
يكوضم = ياكل
سرسف = ملاه فل (ملاه فل دي زاته ملخبته عري وانجليزي )
حود = ابعد او زيح
انتر لا غادي = زيح شويه
زيح شويه = ابعد قليلا
يعني انتر لا غادي وحود وااااااااااحد
ال كع = اسرع
الجضوم = الخدود
حظيرة البهائم = الزريبة

الفانوس = اللمبة

مكان حصاد الذرة = التقا
الجفير = بيت السكين او السيف
المشلعيب = يعني بمثابة التلاجه
والتلاجه زاتو سودانيه = الثلاجه او البراده
النضمي = الكلام = الحديث
المرق = عود في العرش
عود = خشبه
العرش = السقف
ويا كل النجوم مافي عوجة تب بنكملك النضمي جت

************** ***************** *******************

سجمممممممنا الرندوق التاني ده منو ؟
ولييييييييييييييييييييييييييلة وووووووووووووب

نجي لكلام الحريم
سجمنا ما لاقي ليها مرادف في اللغة لكن ممكن نقول عليها كلمات استغراب
ووووب نفس الشئ وممكن نطلق عليها كلمات هجيمه
اجي = كلمت تعجب
كر علي = ؟؟؟؟

الحنك بتاع ووووووووووب وسجمي ده نخليهو لي ناس بت السودان ومليكتي والناس ديك في بيت البكاء ولا ماقاعدين تمشو بكيات ياناس ؟

ronny_only
عضو مجلس الإدارة
عضو مجلس الإدارة

المشاركات : 795
العمر : 27
الموقع : الشقــــــــــــــــــــــــــــــــــــــــــله
المزاج : بكره يا قلبي الحزين تلقي السعاده
تاريخ التسجيل : 28/01/2009

http://www.ronaldinho10.com

الرجوع الى أعلى الصفحة اذهب الى الأسفل

رد: الراندوووووك

مُساهمة من طرف samahaa في الإثنين أبريل 05, 2010 8:11 am

مشكور روني

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ليك بقدم اعذاري
خطاي معاك ما بتكمل
ودربا كنا ماشينو
نهايتو معاك ما بوصل
وقلبا ليك كان شايل
وعن حالك دوام بسال
صبح رضيان بفرقك
وفي اخبارك يتململ
[i]

samahaa
عضوة مجلس الإدارة
عضوة مجلس الإدارة

المشاركات : 1639
العمر : 36
تاريخ التسجيل : 12/12/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى