زي التقـــــــــول جنيــــــــــــــــــــت أنا

من طرف الجعيدان الثلاثاء مايو 04, 2010 9:47 am

زي التقول جنيت أنا...
جنيت خلاص...
فارقت دنيا العاقلين...
لا عارف أمشي ولا أجي...
والضحكة صبحت لي بكاء....
والباكي في هذا الزمن...
ما بننصفو...
في حضرة الزمن النكر حن الأهل... صلة القرابة دم الرحم....
إتصارعو الناس في أرض... في بيت رخيص...أو في قرش...
إتخاصمو... إتحاربو... إتقاتلو في حضرة الزمن القرف...
ناسين إنو بيناتهم رحم...
والله يا زمن القرف محنتنا...
سبت الخلوق تمرق تحوم من غير هدوم...
ديل جنو عاد وريحوك...
والجنو ديل خلق الله ديل ما ريحوهم في الأرض...
حتى الجهال طاردوهم بالحجار...
وأنا خايف أجن...
يوماتي أشيل هم العيال...
ديل دقو دق...
ديل طاردو...
جروه في نص الطريق وسط الخلق...
حتى الكلاب من شمتو بي حرقة جارت وسكتو...
من غيرسبب...
من غير ذنب... غير إنو ما استحمل قساوة الزمن القرف....
آآآآه يازمن كرهت فيك خلق الله ديل...