مشينا الشقلة ودخلنا بيوتا شفنا شبابا غلبنا نفوتا
منتديات الشقلة عوج الدرب ترحب بك
نسعد بزيارتك لنا
وتعمنا الفرحة بتسجيلك وانضمامك الى اسرة الشقلة عوج الدرب

نكات ملفوحة

اذهب الى الأسفل

نكات ملفوحة

مُساهمة من طرف ناهد بنت العدني في الجمعة سبتمبر 11, 2009 12:47 am

احببته فنقلته لرسم الضحكه على وجوهكم
قمت بنقله من منتديات المسعودية
النكات دي اغلبا مر بيكم لكن قلت افرق بيها على الناس المدبرسين شوية ومنقولة طبعا اتمنى انها تعجبكم
جبت لي عيونكم الحلوه بعض النكات السودانية ::

مسطول وقف تاكسى ..
و قال للسواق: " يا إبن ..العم " .. تودينى وين .. و أدفع ليك كم ؟
..
بتاع التاكسى زاتو طلع مسطول
"..
فقال ليه : " أنزل هنا و أدفع البتدفعه
=========
/
مسطول عملوا معاه لقاء فى التلفزيون

"
المذيع سأله:" ماهو أصعب موقف مرّ بيك فى حياتك ؟

المسطول قال ليه:" يوم ما كنت بحلق فى دقنى

"..
و بلوك لى فى لبانة
=========
/
تلاته مساطيل راكبين في طيارة هلوكوبتر بسطلوا

والطيارة في الجو

قاموا قالوا لي واحد منهم يمشي يجيب ليهم سجارة حمرا من الدكان

زولنا قام وعلي حسب السطلة الفيه مرق بي واحد من بيبان الطيارة

لحسن حظو لاقتو ليك مروحة الطيارة وخمشتو من لياقة القميص

صاحبنا بقى معلق والمروحة لافه

الجماعة بي جوة انتبهو للموقف وزولنا لافي مع المروحة

وهم برضو علي حسب سطلتهم شبكو ليك

آآآآآآي أقعد لف لينا كدة لمن تلقى الدكاكين
=========
/
قالوا مسطول سودانى قاعد مع مسطول مصرى قام قال

"..
ليه:" تعرف .. الدنيا دى كلها مآسـى

المسطول المصرى قال ليه: " ليه .. هو مقاسك أد ايه؟
=========
شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
=========
فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو
========
شايقي قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟
=========
شايقي الحريقه قامت فى بيتو عمل مس كول للمطافى
=========
سته شوايقة غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
==========
شايقي مغترب فى الخليج عشرين سنه رجع السودان ظابط الشماغ الخليجى وركب التاكسى واللسان خليجى تب قال لى بتاع التاكسى الله يرضى عليك أبقا الثوره وفى الطريق الونسه كلها باللهجه السعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول فى سعودى مشلخ ******************** ولما وصل الثوره قال لبتاع التاكسى الله يرضا عليك نزلي القش تبعى هذا ( العفش) ولما نزلو قال للتكاسى كم يسوى المشوار قال ليهو خمسين ألف ورد صاحبنا مزهولاً… فيييييى شنو ؟

تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي ******************** عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني
===========
الحلفاويون:
حلفاوى قالو ليهو بكره عيد الحب قال ليهم ده بصلوهو كم ركعه
=========
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
===========
حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى
الرباطاب:
دار الحوار التالي بين الرباطابي وابنه:
الولـــــــــد : يابا يابا شوف الفار
الرباطابي : تقول لي الفار نان قايلني كديسي
الولــــــــد: نان يا يابا انا قلتا ليك اكـــــــــلو ؟
==========
رباطابي عندو جارة غنماية عايز ابيعة
بعدين في السوق دايرة تزووغ قام رفع لية ولدها
جات راجعه والرباطابي محمض الموقف كلة
قام قال لية ((اسمع ياصحبي جبتوة بي الريمووووووت)
=========


قال ليك واحد دخل قرية الرباطاب وفي طرف الحلة كده
لقي لية واحد صغير قام سألة اسمع عندكم موية
قام قال لية نان شجرنة ده قايم بي التيمم
========
رباطاب عندهم وفاة بحفروفو في قبر مر بيهم جنوبي قال ليهم ياشباب
ان شاء ماعندكم عوجة قالوا ليه لالا بنفتش لنا في صارقيل
==========
رباطاب معزومين عشاء والسمك ريحتو ضاره بي شفقتم كلهم السمك طعنهم شوكو ابوهم قال لي سيد البيت انت عازمنا عشا ولافحص ملاريا
==========
رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن
==========
رباطاب بحفرو في قبر مرّ بيهم الجنوبي البتعلم في العربي قال ليهم
البكاء ده هنا ولاخبر من البلد قالو ليه خبر الا جينا ندفن التلغراف
قالوا واحد رباطابي إنكشح فوقوا جاز كتير
الجماعة سألوه يا زول إن شاء الله خير
قال ليهم خير شنو إنتوا عارفين لو ركبتو لي شريط لمبة أولع للصباح
========
رباطابي لقى بنتو قاعدة سرحانة قالها :
يابت انتي عاشقة قالت لو : لا أنا 3310 عنيدة
============
الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها :
الجعلي : ممكن اولع السيجارة
ست الشاي شالت الجمرة بيدها وهي تقول : انا من ******************** المتمة .ومدهتها الي الجعلي ،
الجعلي شال الجمرة بيده وولع السيجارة ورجع الجمرة الى ست الشاي , وبحركة سريعة شال براد الشاي (الكفتيرا) من النار وقعد في نص الجمر وقال ليها قلتي من ******************** وين .؟
===========
حدث حريق في المنزل رقم 12 مربع 15بأحد أحياء مدينة سودانية ، اتصل صاحب المنزل بالمطافئ ولشدة ارتباكه ذكر لهم العنوان منزل 15 مربع 12 ، بالطبع ذهبت المطافى إلى منزل آخر ، لم يجدوا حريقا ، قرعوا الباب ، أتاهم صاحب المنزل وكان جعليا :
مرحب حبابكم ، اتفضلوا ، عل ما في عوجة ؟
قال له رجل الاطفاء
في حريقة هنا ؟
أجاب الجعلي لا
فقال رجل المطافي : طيب نرجع و نشوف الاتصل دا منو
فقال الجعلي :
علي الحرام ماترجعو ... أدخلوا ... وصاح مناديا زوجته :يااااااامرة ............ أحرقي الراكوبة.
==========

ركب مواصلات الخرطوم امدرمان ومع السخانة بتاعت الجو صاحبنا مسخن وما عاجبو ليك الحال وقاعد جنبو واحد هدندوي وشغال ليك لي الهدندوي نحنا ناس المك نمر نحن ناس الحارة ونحنا ونحنا وداير الهدندوي يتكلم باي طريقة عشان يشاكل معاهو والهدندوي ساكت ساي بس لامن البص وصل امدرمان قام الجعلي قال لسواق البص بالله محطة الدايات يازول بس اول ما الجعلي نزل والباص بقى متحرك قام الهدندوي طلع راسو بالشباك وكورك ليهو : عليك الله حسي دي محطه ينزل فيها راجل
===========

الحلفاوييين :
قال ليك:
حلفاوى عصروهو عصرة شديييييييييييييدة عشان يمشى
صلاة الجمعة قام زولك مشى بدررررررى لقى ليك
ناس الدعوة شارين ملابسهم فى حوش الجامع وحلتهم
تقجقج جنب المزيرة بتاعة الجامع رجع ليك لجماعتو
قال ليهم أها الحمدلله الجامع زاتو أجروهو عذابة)

جنوبييين :
جنوبى راكب فى البص
يقرأ فى جريده
جارو قال ليهو الساعة كم؟
الجنوبى مارد عليهو
تانى سألوا
وبرضو مارد عليهو
قام الراجل لكزو
قال ليهو انت مندمج ولا شنو؟
الجنوبى قال ليهو لا من واو





ناهد بنت العدني
شقلاوى سوبر
شقلاوى  سوبر

المشاركات : 401
العمر : 41
الموقع : المملكة العربية السعودية
العمل/الترفيه : مبرمجة
المزاج : هيك وهيك
تاريخ التسجيل : 30/07/2009

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف samahaa في الجمعة سبتمبر 11, 2009 2:28 am

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
مشكوره

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
ليك بقدم اعذاري
خطاي معاك ما بتكمل
ودربا كنا ماشينو
نهايتو معاك ما بوصل
وقلبا ليك كان شايل
وعن حالك دوام بسال
صبح رضيان بفرقك
وفي اخبارك يتململ
[i]
avatar
samahaa
عضوة مجلس الإدارة
عضوة مجلس الإدارة

المشاركات : 1639
العمر : 38
تاريخ التسجيل : 12/12/2008

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف sara ibrahim في الجمعة سبتمبر 11, 2009 9:02 pm

لفحه جميله
مشكوره
avatar
sara ibrahim
مشرف قسم الصحة
مشرف قسم الصحة

المشاركات : 433
العمر : 34
الموقع : USA
العمل/الترفيه : بيتي عالمي الصغير
المزاج : رايق والحمد لله
تاريخ التسجيل : 01/08/2009

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف عاشق الريال في الجمعة سبتمبر 11, 2009 10:48 pm

مشكورة وننتظر الجديد

ـــــــــــــــــــــــــــــــــــــــــــــــــــــــــــــــــــــــ التوقيـــــــع ـــــــــــــــــــــــــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذا الرابط]
avatar
عاشق الريال
مشرف قسم كلمات الاغاني
مشرف قسم كلمات الاغاني

المشاركات : 983
العمر : 28
الموقع : الشقلة حاليا
العمل/الترفيه : طالب
المزاج : راااااااايق
تاريخ التسجيل : 28/01/2009

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف بت سيد البلد في الأحد سبتمبر 13, 2009 2:51 am

يعافيك ي رايقه

بت سيد البلد
شقلاوى فعال
شقلاوى  فعال

المشاركات : 169
المزاج : بي مزااااااااااج
تاريخ التسجيل : 18/01/2009

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف ابوبكربشيرمساعد في الأحد سبتمبر 13, 2009 12:13 pm

ههههههههههههههههه
مشكوووووووووووووره
avatar
ابوبكربشيرمساعد
مشرف قسم كلمات الاغاني
مشرف قسم كلمات الاغاني

المشاركات : 822
العمر : 34
العمل/الترفيه : موظف علاقات عامه
تاريخ التسجيل : 22/04/2009

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف ابوبكربشيرمساعد في الأحد سبتمبر 13, 2009 12:58 pm

محشش اشترك بمسابقة من سيربح المليون وكان السؤال الثاني :
عصفور باليد ولا عشرة على …...

أ) الشجرة ------------------- ب) البقرة

ج) الصفراء ---------------- د) الحمراء


فقال المحشش لجورج قرداحي: من أولها صعبة. ما نسأل الجمهور،

فكان جواب الجمهور 100% الجواب الأول الشجرة،


فقال المحشش لجورج: مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة

والجواب الثاني البقرة.

فقال لجورج: يااااادي المصيبة بقى الجوابين الشاكك فيهم .
طب نتصل بصديقي ( هريدي )
فأتصل بهريدي: ( إزيك يا أبو صميده كيف أخبارك ، أم صميده إزيها والعيال
......راحت الثلاثين ثانية وملحق يسأله السؤال.......


فسأله جورج قرداحي: وهلا شو بدك تسوي


فجاوب المحشش: راح أنسحب ياعم و آخد ال 200 ريال بتاعت السؤال الأول وزي المثل مابيقول:

عصفور باليد ولا عشرة على الشجرة
ههههههههههههههه

منتهي ذا المحشش
avatar
ابوبكربشيرمساعد
مشرف قسم كلمات الاغاني
مشرف قسم كلمات الاغاني

المشاركات : 822
العمر : 34
العمل/الترفيه : موظف علاقات عامه
تاريخ التسجيل : 22/04/2009

الرجوع الى أعلى الصفحة اذهب الى الأسفل

رد: نكات ملفوحة

مُساهمة من طرف همس القلوب في الخميس يونيو 30, 2011 3:35 pm

هههههههههههه
مشكوووووووره
avatar
همس القلوب
مشرف قسم كلمات الاغاني
مشرف قسم كلمات الاغاني

المشاركات : 992
العمر : 22
الموقع : الشقلة
العمل/الترفيه : النت
المزاج : 100%
تاريخ التسجيل : 25/03/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى