بت صيدلة..

للشاعر العملاق
عبد الرفيع مصطفى بابكر الامين

ياحاجة جاية مدلدلة
صنقعنا قنا عشان نشوف
كترت علينا البهدلة
ومشينا لى حرمك نطوف
براكى شايفة التلتلة
وقعنا فى بركة هواك
اتجلبطت حاجاتنا بعد البلبلة
يا منقلة
الله عليك بت صيدلة
بت صيدلة..
نغماتا دايما اهتزاز
يا لمبة عاكسة على القزاز
ابوكى زى عمل احتراز
سماك قريبة من الرزاز
بت صيدلة ..
ياكوقنسى
الككو لو جاك حنسى
انا يوم اجيك فى الفارمسى
انشغلى عنى اتونسى
بت صيدلة..
يابطة فى نص الجداد
زهجانة واولادك بعاد
وجدادة حامياك الرقاد
تكاكى تنكت فى الرماد
الديك هبالة احصلا
بت صيدلة ..
عصفورة فى لون الطلح
زى راكبة فى امجاد ملح
فنان يغنى القمبلة
وانا بى هناك كاسح كسح
لو ما اشوف بت صيدلة
الجامعة لازم اقمبلة
بت صيدلة ..
يادوز بناخدوا مع الوزن
يادخلة للبيت بالاذن
يا نغمة فى الاضنين تزن
.. هيييييييييي قالوا انفجرت قمبلة
بت صيدلة..
يا كشمة حلوة مع الصباح
يا كسرة مخموجة ف ملاح
تعالى خلى المستراح
معقولة زيك اعملا
بت صيدلة.. يا خلطة فى ماعون يوج
يا حاجة صاقطة تقول تلج
الناس تجيك تمشى وتفج
وجميلة فيك الاندلة

من طرف همس القلوب الأحد يوليو 03, 2011 5:48 am

مشكور ع القصيدة الجميلة
تقبل مروري

بت صيدلة..

بت صيدلة..

رد: بت صيدلة..