انسحاب حقيقى

اعلن انسحابى من هذا المنتدى الذى لن يضيف لى الا الهم والغم وانا والله ما ناقصة ربنا يقدرنى على همى وهم اولادى وكل عضو قرأ ما كتبته بخصوص موضوع دمار فى قريتنا اقول له اننى ماجدولين عبدالرحمن محمد احمد النور واى كلمة كتبتها مسئولة عنها تماما ليس لانى عاملة فيها مع مصلحة القرية ولكن هذا راى وهذا ما اوؤمن به وختاما اقول للقائمين على امر هذا المنتدى اننى تركت منتداكم الى غير رجعة ولن اعود اليه وانتم لكم الحرية فى ان تتركوا مساهاماتى او تحذفوها

اذا حضرت الشياطين ذهبت الملائكة ولاشنو وانا والله الله والله ما الفى بالك للمره المليوووووووون

لا والف لا المنتدي محتاج اليك بصراحتك الحقيقه التي لاتشوبها الشوائب ارجوك ارجعي عن هذا القرار نحن نامل في شباب ناضج وفاهم مثلك وتهمه مصلحة القريه

يا جماعة شنو حكاية الانسحاب دي ويا مجدولين انسحابك مرفوض والله انا قريت الحوار اللي دار بينا وما اظن اني اسئت ليك بكلمة ولو حصل ذلك انا بعتزر وبعدين المنتدي اسمه منتدى الشقله عوج الدرب يعني منتدى الجميع وانت كل مسهماتك كانت جميله ورائعة وجميع الاعضاء بيشيدو بيها واظن تكوني لاحظتى ذلك يعني لو عروبه ولا ناهد قالو ليك كلمه ما عجبتك طوالي تنسحبي وياريت انتي وناهد ترجعو عن قراركم و كلنا اخوات

والله الاستفزاز بيضطر الزول ينسحب بس يا اخت ماجدولين مافي داعي للانسحاب لانو دي شقلتنا و منتداها بهمنا نحن الشباب عشان نقيف علي تنميتها وتطويرها