استفسارات من اهل الشقلة

يا اخوانا هناك في الشقلة الناس بيسالو اولادنا بيقولو ليهم انتو فاتحين منتدى لشتم الناس والناس دي ما فاهمه انو كل القرى اللي حولهم عندهم منتديات وما فاهمين انو المنتدى ده فيه مواضيع كثيره غير الشتم اللي بيتكلمو عنه داخل المنتدى في نمنتديات كثير بتكلم عن الرياضة الطب الشعر الالغاز الاسلاميةالاجتماعية الصوروالمواضيع كثير وبنتمنى من الاعضاء الموجودين في السودان ان تفهم الناس دي انو المنتدى ما بيضر الشقلة اكثر ما ينفع لانو في ناس قالو لينا عديل اقفلو المنتدى ده ما دايرين مشاكل وانا بعتبر دة جهل منهم للمنتدى وماعرفين المنتدى بيعني شنو للمغتربين

الخالة العزيزة /أم أيمن
لك التحية
أولاً قال إسحاق نيوتن في أحد قوانينه للحركة
(لكل فعل رد فعل مساوٍ له في المقدار مضاد له في الإتجاه)
وده رد الفعل بتاعنا (ورأينا) وبنقولو بي قلمنا والبلد ديمقراطي مافي زوول بمنعنا من حرية التعبير
وتعبيرنا ده لنصرة إخواننا (إنصر أخاك ظالماً أو مظلوماً ) والنصرة هنا تأتي بالنهي عن الظلم كما ورد في الحديث الشريف
وتعبيرنا هو توطين لأنفسنا (لاتكن إمعة تقول أنا مع الناس)
أما عن المنتدى أتحدى أي زوول يجي يقول لي (أقفلو) وللعلم الآن أنا شغال في إنشاء الموقع الكبير(الشقلة دوت كوم) وده حيكون الواجهه الحقيقية للقرية وهو الآن شارف على الإنتهاء وبعد كدة نشكر إخواننا في شركة أحلى منتدى القابضة على تحملهم لنا

الاخت أم أيمن
كيف حالك
نحن أكيد فاهمين انو المنتدى مهم للقرية ومهما الناس قالت عنو بنعتبرو شرف للقرية
خلاها حية على الاقل وساهم في شهرتها على المستوي المحلي والعالمي
عشان كدة نحن كمواطنين واجب علينا نشكر كل من ساهم في انشاء هذا المنتدى موش نقول ليهو اقفلو
الأخ أحمد حمد
والله نحن بنشكرك كتير على اهتمامك بالقرية ونتمنى ليك التوفيق وان شاء الله الموقع الكبير يكون فخرا للقرية وربنا يتممو على خير

سلام ام ايمن وتحياتي لكي اهني فيك روحك الغيوله علي الشقله واهلها
اولاً :الفهم قسم واهلنا البقيولوا كدا عندهم حق في ذالك بعض الشباب لديه الجموح وهوما يولد الشي المتواجد داخل غرف الدردشه ويجب ان يكون هو الواعي ويعس وجه الشقله الحضاري
ثانياً : الاصلاح والتوعيه والفهم يجب ان يكون من المستخدمين للموقع
ثالثاً : الاجيال السابقه لم تكن لديهم الوسائط لكي يعلموا ماهي ويجب علينا اوصال المعلومه لهم وهي مسؤليتنا اولاً
اتمني ان اكون اوصلت المعلومه نحتاج لكثير من التوعيه