سؤال للمغتربين

ياغربه يابكايه ياغشاشه يامستهبله

تغرينا بي درهم قروش ووراه قنطار بهدله

جيناك بي سنتين وبس ونقول ثلاثه نكملا

نلقا المراد ونودعك نرجع حيتنا نبدلا

ياغربه اديناك كتير ادينا خاطرك يسهلا

خلينا نرجع بالفضل نلحق حياتنا نبدله

امالنا فيك بدري اتنست الا الرجول متوحله

والله زمان الواحد لمن يقولوا ليهوا فلان داك مغترب كم سنه
خلاص بمعنى انه بعد سنة واحدة يجيب عربية ويبنى البيت ويعرس ويعمل شغل وهيلمانة يجيك قاشر ، ريح الريحة من عاشر شارع تضرب انفك
اما اليوم فلان والله ليهو كم طاشر سنة مارجع البلد وماشاف امه المريضة

كم سنه ماشاف اولاده ولا يعرف عن اولده الا اعمارهم

وكل هذا لماذا ؟؟؟؟؟؟؟؟؟؟؟؟؟؟ماادري كل مغترب فى هذة البسيطة يحدد هدفة ثم يخرج من بلادة الا السودانى مايكون عنده هدف الا الغربة وبس مش غريبة دي ؟؟ اذا تكلمت عن الغربه نحتاج لصفحات عديده اما انا سؤالي :اليوم لاهلي هو
ماذا اعطتتك الغربه ؟؟؟

وماذا اخذت منك ؟؟؟

وهل المـال هو مايحتاجه الابناء؟؟؟

اتمني التفاعل...

تحيـــاتي....