أيهما أرحم .. جنة الغربه أم جحيم الوطن ؟!

انا بقوول ليك قصيدة وانت احكم
الغربة مابعد المسافة ولا السفر آخر مطافا
الغربة في الضيق البعاند وفي السحاب الطش جافا
الغربة في الموية البتجري وتطرد الناس من ضفافا
تدفر الخير المسافر والنفوس راضية بكفافا
الغربة في البت البتنزل دمعة في ليلة زفافا
في ولد حيران بيسأل عن وطن راقي ومعافا
الغربة في زلة عزيزاً رغم عزتو مد إيدو
يسأل الناس عن بلادو ياحليل بلدو البريدو
ياحليل الدنيا كانت جنة للناس البريدو
أصبحت رقصة سلالم لاالتحت لا الفوقنا شافا
الغربة في جوانا نحن في العيون شلناها دمعة
وفي النفوس عشناها محنة زي سفر مابعدو رجعة
بالأمل نحن بنقاوم وللقلوب شلناه شمعة
ولي متين نحن بنهادي
لا الزمن لا الدهر صافا

يا خى تبدل

نوم نومك

جنه الغربه ايوه انا متاكد افضل مليون مره من جحيم الوطن

يقول الشاعر
سافر تجد عوضاً عمن تفارقهم وأنصب فإن لذيذ العيش في النصب
فالأسد لولا فراق الغاب ماإفترس والسهم لولا فراق القوس لم يصب
والتبر كالتراب مغطى في أماكنه والصندل في أرضه نوع من الخشب
إن ركود الماء يفسده إن سال طاب وإن لم يجري لم يطب
والشمس لو وقفت في فلكها أبداَ لملها الناس من عرب ومن عجم

التبر بمعنى الذهب

جحيم الوطن ارحم بي كتيييييييييييير

عليكم الله فكونا السودان كان حاو بي ناسو لكن ناسو زاتهم بقو كعبين وطالما الحقد والحسد موجودين الله أعلم حال البلد انصلح (لايغير الله مابقوم حتى يغيروا ما بأنفسهم) تعالوا صوموا معانا كهرباء قاطعة وسموم ياعالم

والله كلامك صاح
لكن ناسو الكعبين ديل!!
البره اكعب منهم
واللمه وسط اهلك وناسك ارحم ١٠٠٠ مره من قعادك قصاد الحيطه

مع رمضان والعيد والبرامج الحلوه دي
احسن الوطن

خلاص نعمل تبادل للمراكز
كلها أرض الله ولكم في رسول الله إسوة حسنة
والرسول صلى الله عليه وسلم هاجر من مكة إالى المدينة

هنيئاً لكم بجحيم الوطن

خليكم واقعيين وطن شنو البتتكلمو عنو والله الوطن ما نافع والغربة ما نافعة خصوصا اذا كانت فى بلد عربى شوفوا حلقات خواطر على ام بى سى وانتو شوفوا انكم عايشين فى جحيم حقيقى

هههههههههههههه

العمل : عطال شديد
المزاج : أبداً مارايق
وبرضو مسمي نفسك قمر الزمان؟
الله يكون في العون وصدقني كل ماتقطع الكهرباء وخصوصاً في رمضان أتذكر الأغنية البتقول (ده السودان ياهوده السودان) كرهونا

الوطن وكلمتها تعطيك احساس جميل لكن التغير حلو والمثل يقول البعد محنه