اضحك وفرفش يا عسل

واحد عصبي شديد يوم رجع من الشغل قال لي مرتو الليلة حصلت حاجة غريبة في الشغل

لو قلتها ليك ما حتصدقي وحتقولي أنا كذاب

لكن أنا ما كذاب

كذابة إنتي

وكذابين أهلك كلهم

إنعل أبوك يا بت الكلب

أمشي!!!!!!!!!!!

*********************************
ابكر سألوهو ليه ما مشيت الحج ؟ قال ليهم : سبهان الله كل ما ننوي يسادف أيد الدهيه!!!!!!!!!!!!

*********************************
حرامي قال لي ولدو


عملت شنو في الامتحان؟؟

قال ليه

اطمن يا ابوي

ساعتين بستجوبو فيني

ما قلت ليهم ولا كلمة!!!!!!!!!!!!!!!
*********************************
واحد فلاتي بتعلم انجليزي ...
قالوا ليهو دخل كلمه
has
في جمله مفيده
قال ليهم
.
.

has بي الله و نِأْمَ الوكيل!!!!!!
*********************************
مسطول بخت كبايتين جمبو
وحده فاضيه والتانيه ملانه مويه
قال عشان يمكن يشرب ويمكن ما يشرب!!!
*********************************
!!!!!!!!!!!!!!
*********************************
اتنين مساطيل قاعدن تحت نخله بالليل. الاول,انا نفسي في بلح,التاني ,لاكين نطلع ليو كيف؟.الاول بولع ليك نور البطاريه,وانت اتشعبط فيو لحدي ماتصل السبيطه,التاني,بالله عشان تطفيو واجي واقع!!!!!!!!!!!
*********************************
*********************************
*********************************
ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق. في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا!!!
*********************************
مسطول سألوهو ما هو اصعب موقف واجهته في حيـاتك ؟ قال : موقف الــــحاج يوسف!!
*********************************
مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف!!
*********************************
مسطول سألوه عن العلاقه بين الشهد والشهيد؟ قال:الاتنين بيتلحسو!!!
*********************************
مسطول وقع في حفره حاول يطلع ثلاثه مرات من غير فايده. فقال:دي اخر مره لو ماطلعت ح امشي!!
*********************************
مسطول عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن. المسطول رد والله انا زاتي قلت كده!!!!!!!!!!
*********************************
مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت!
*********************************
مسطول خش عنبر مرضى السكرى قال ليهم ازيكم يا"حلوييييين"!!!!
*********************************
واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي من نسخه
*********************************
مسطول في المدرسة سمع الاستاذ بقول المثابرة تولّد النجاح. قال لى زميلوا : مــــــــتين هي المثابرة بقت دايه؟!
*********************************
مسطول بيعمل تجربه فى ضبانه مسكا وقال ليها طيرى طارت .قطع ليها جناحينا قال ليها طيرى ما طارت كتب ؟؟واثبتت التجارب ان الذبابه لمن تقطع جناحيها فإنها لاتسمع!!
*********************************
مسطول جا ماري قريب من اولاد بلعبوا كوره حاول يشوت ليهم الكورة جلت منه فعلق قائلاً: والله شوتتنا بقت زي الكبريتة اللينة قدرما تكرشها ما تولع!!!
*********************************
مسطول قالوا ليه اكتب لينا امتحان انشاء من 10 صفحات كتب في الصفحة الاولى ركب الرجل الحصان وفي الصفحة الاخيرة كتب نزل الرجل من الحصان وبين الصفحات كتب كبجك كبجك كبجك كبجك!!!!!!!!
*********************************
مسطول زار اثنين من اهلوا في المستشفى لقى واحد عنده حمى شديدة برجف والتاني مركبين ليهو درب، رجع البيت سألوه: الجماعة لقيتم كيف؟ قال ليهم واحد شغال هزاز والثاني في الشاحن!!
*********************************
مسطول دخل بيت بكاء داير يشيل معاهم الفاتحه لقاهم مسيحيين قرا ليهم (قل يا أيها الكافرون)
*********************************
مسطول بصلى العصر واحد اتصل عليهو فى جوالو قال ليهو انت وين ؟
المسطول قال ليهو أنا فى التشهد
*********************************
الاستاد سال الطلاب في الفصل . قال ليهم ماهو الفرق بين النملة و الفيل؟ جاوبه واحد قال ليه: رجل الفيل ممكن تنمل لكن رجل النملة مما ممكن تتفيل.
*********************************
حناكيش من ابوظبي ساكنين العمارات عندهم بت صغيره من الصباح البت مسريحيين لها وملبسنها يوم فتحت باب الشارع لقت ليك شفع الغفير بتاع البيت الجمبهم قاعدين يلعبوا في التراب نططت واحده قالت ليها تعالي العبي معانا قامت البت استفزتها قالت ليها: مامي قالت لي ما العب مع اي زول هدوموا وسخانه بت الغفير طوالي شالت الكوريك وضربتا في راسا دخلت البت جاريه لي امها .قالت ليها امها :سووا ليك شنو قالت ليها ضربوني بي معلقه اكس لارج
*********************************
واحد قال لي ابوه: ابوي رخصتي انتهت .... قال : من كثر لفك في الشوارع
!!!!!!!!!!!!!!!!
*********************************
واحد غبي رايح يعالج في أمريكا، سأله الطبيب عن الكوي اللي في بطنه: وات إز ذس ؟ ... قال الغبي: ذس إز ... تش ... أح
*********************************
مسطول لمبة بيتو باظت...طلع يصلحها...قال ليها كيف ما تبوظي مادام قاعدة لي مع سلك (عريان) . . . . .
*********************************
واحد مسطول «عضاه» ثعبان وترك أسنانه في محل العضة.. الرجل قال للجماعة: الدبيب لو داير يعض واحد تاني يركب طقم ولا شنو؟ قالوا ليه لا أبداً بتقوم ليه سنون تانية جديدة! قال ليهم ده ثعبان ولا دباسة
نفس المسطول دة . . . بعد عضاهو الدبيب قعد يضحك . . . الجماعة قالو ليهو بتضحك مالك ؟ ؟ ؟ قال ليهم: عندي أيــــــــدز . . . .
*********************************
مسطول بيضرب في بوهية..الجماعة قالو ليهو أفرش جريدة تحت...قال ليهم: ( ما محتاج . . كدة بلحق...)
*********************************
في واحد تقيل وعالة على صحبانه يأكل (مزتهم) ويشرب شرابهم كل يوم بيجي يولع (فانوسه) مجاني صاحب البيت نوى يتثاقل عليه لما قعد مدة طويلة وما اشتغل بيه قال ليه كب لي كاس قال ليه القزازة معاي شريك فيها هو نص وأنا نص قال ليه طيب كب لي من نصك قال ليه سوري انا نصي التحت
*********************************
الرباطابية راكبة في البص الماشي البلد جمب الشباك الراجل قال ليها تعالي يا حاجة خليني انا اركب جمب الشباك علشان انا بسف وببصق ، قالت ليه ابيت انا قالوا ليك بسف وببلع..؟!
***************

[ندعوك للتسجيل في المنتدى أو التعريف بنفسك لمعاينة هذه الصورة]

الاولي مبالغه خلتني اضحك لما دموعي جرت
مشكور

هههههههههههههههههههههههههههههههههههههههههههههههههههههههه
ههههههههههههههه

هههههههههههههههه

ههههههههههههههههه
هههههههههههههههههه
ههههههههههههههههههه
هههههههههههههههههههه
ههههههههههههههههههههه
هههههههههههههههههههههه

بايخه

يا الغزال بعد الجرة دي كلها تقول ليو بايخة

لكن زي ما قلتي يا سارة الاولى مبالغة
وشكلي حا اعملها

اكيد يا اسد شكلها جابت ليهو الضغط

هههههههههههههههههههههههههههههههههههههههههههههههههههههههههه مشكور

ههههههههههههههههه
يسلمووو