الكنفدرالية نفر حلمنتيش

من طرف عاشق الريال السبت مايو 01, 2010 12:11 pm

الكونفدرالية نفر...!

• كا كا ...كونفدرالية...

• ونستفتح بالهلالابي تلاتة تسعات..

• أصلو الجنا دا عندو إضنين تجيب دبة النملة في الموكيت...

• مش زمان المثل بيقول الحيطه ليها ودان...؟ أها الجنا دا غير المثل وبقت الحيطة ليها تلاتة تسعات...

• والهلالابي تلاتة تسعات شاب صغير في سنه اسمه احمد مجذوب ومهندس معماري بيعرف كيف يبني الكباري وعنده ربة شعر حاضرة زي برشة دفاع الوصيف..اي زمان..اي مكان...وفي كل الاحوال...

• الجنا سمع حوار بين خذلوني كاربوني وابنه مرمطوني كاربوني...

• وعلى الفور تم الطبع...

• تعالوا نتابع ردود الفعل...ونشوف الجنا سمع شنو...؟

ود كاربوني...

يا يابا الحبيب...النجمة جد تعبانة

والعجب العجيب...موهبتو ولى زمانا

مصعب مدني باك...واكرم حرس مرمانا

في كورة هنا...يا يابا الله معانا

كاربوني...

يا ود يا عنيد...اسكت كفايه مهانة

والخوف الشديد...يا ابني خصلة جبانة

الا اكيد اكيد...بالجد بكل امانة

لا بنفع سعيد...لا نفطي لا لاسانا

ود كاربوني

اسمع يا ابوي...هاك مني اغلي نصيحة

هوي يا يابا هوي...خليك شفت وتفتيحة

يا والدي العزيز...مرقت خلاص الريحة

ايه رايك نزوغ...وانا شامي ليا فضيحة

كاربوني

بقعد في البلد...وابدا محال اتجارى

اركز يا ولد...واصلو الحكاية جسارة

ما تبري الظنون...اعتبرو ياخي كوارة

مهما كان يكون...ابداً محال نتواري

ود كاربوني

حاضر يا ابوي...صفة الكبار مبروكة

درِّب بارتياح...وانصح رفاق كاسروكا

ناس نادي الهلال...قالولي انصح ابوكا

في كورة هنا...خايفين نكون مفروكة

كاربوني

يا ابني الحبيب...ديل ندنا التقليدي

مالك والغريب...جد تستحق تنديدي

ذودتا الهموم...مالك علي يا وليدي

خليك في النجوم...والهل عدوها نديدي

ود كاربوني

حاضر يا ابوي...الا الحقيقة حقيقة

تيم تونس رهيب...ماف ضدو اي طريقة

في كل الظروف...نجمتنا مارقة سليقة

واحسن يا الحبيب... نرحل نفوت الليقا

• وبعيداً عن فنيات كاربوني في التدريب فلقد كان متصالحاً مع نفسه وهو يعترف جهراً بالقول ان التحكيم المغربي برىء...

• وان التحكيم المغربي بقيادة الحكم الدولي لم تؤثر قراراته على نتيجة المباراة والعيب في الدلاقين...

• بينما لهث اعلام الدلاقين للبحث عن شماعة التحكيم ووصف الحكم المغربي بانه عديم ضمير...ليه كده يا دلاقين ..؟ عشان ما قدروا عليه ناس حاحا الوالي والدقير...؟

• والمتعة في رسالة صاحب الرقم 0912591423 (مايكل انرامو خلاهم لا اتعشو لا نامو...خلى سفاري يمسك ويجرو من هندامو...ود سليم انفذر وجاب وراه قدامو...وكاربوني رجع تاني يزيد في اوهامو...في امدرمان هناك البحر بشيل عوامو...زي التقول ما عارف الفرق بين الاسود وحمامو)....

• الكونفدرالية نفر...!

من طرف اشرف سعيد الأحد مايو 02, 2010 3:12 pm

نحن مغلوبين بره بلدنا مامغلوبين في مقبرتنا

الكنفدرالية نفر حلمنتيش

الكنفدرالية نفر حلمنتيش

رد: الكنفدرالية نفر حلمنتيش