انا غايتو بكره بي سكات

بكره بي سكات

انا غايتو بكره بي سكات
احسن من الناس البتكره في العلن
بتجرع الاسي والنواح
بفرش جروحي علي الوطن
لا يوم شكيت ظلم البنات
لا سهرتا هداني الشجن
صابر مصبر فوق جرح
باسم برغم شقي الزمن
ايه يعني لو فاتت حبيبتي وعرست
ما عادي كل الناس بتبلي وتمتحن
او يعني ايه لو عرسوها بدون رضاي
ما كل بنات الحلة فاتن وعرسن
***
وانا كان علي عاجباني حالتي بدون بنات
شين فايدة الشقي والعذاب ما دام هي اصلا ما بتحس
شين نلتا منها غير شقاي اتكتم الاهات وادس
وانا غايتو ما داير بنات احسن لي منهن اتحبس
بس لا بحب ذي الخلوع لا تاني في الريد بنغمس
***
ما حبهن زي لون هدومن وطرحتن
زي الكريم الياما بشتن بشرتن
زي نار هجيرن ولفحتن
زي ضحكتن في فرحتن او صرتن في زعلتن
زي التقول ما بعرفن معني الكلام السكتن
سرقن قلوبنا اسي ونواح سرقن عقولنا ونضرتن
نشقي ونعاني وكم نموت يوم اخلفن في جيتن
لو جد رجال واولاد رجال ما اظن حا نرضي مزلتن
وين البنات الجد بنات ديل باقي حاضرنا النتن
ديل لا بنات ولا الله قال يا ربي تقطع سيرتن
ما زي بناتنا الكان زمان
ديل فارقن توب ملتن
عرضن قلوبن بالقروش باعن عفافن
***
ورونا وين بتقبلن عاد الله برفع رحمتو
وين تلقو تاني الانبساط وين تاني تمشو وتقدلو
والله والله كان تتهملو
لا زول بجيكن لي عرس لا دينو زاتو يكملو
انا غايتو ما بتفرق معاي ... انا ما بتفرق معاي
عادي الوجع بتحملو
بس للاسف خايف عليكن
يا بنات باكر تجو وتتململوا
اها نحنا اعلنا الحداد عاد انتو واصلوا وكملوا
اها نحنا اعلنا الحداد عاد انتو واصلوا وكملوا