من قلب المحنة...!

* مدني بعيدة علي ..يا شباب مدني..

* بمشيها بي رجلي..يا شباب مدني..

* وطينها وحل بي ..يا شباب مدني..

* قبيل شن قلنا ما قلنا يا ابودجانة الطين بيوحلنا...؟

* درون والله كتير عليكم يا ضلنا...نزيف الوصيف بقى خالص مخيف...

* النزيف دايرلو نفرة علاجية يا ابو مرووووة...؟

* لانفع التأجيل لا نفع التحنيس واولاد سيد الاتيام عصروا النجوم الهردبيس...

* دوري مسيخ يا مريخ...دوري كسيح يا مريخ...دوري فسيخ يا مريخ...

* وكتر خير ولدنا أبوشنب...ماقصر...حلف يمين بلنتي نهي...ولو كسروا رقبة بكري الصفارة فيها موية...وكمان عشرة نقاط زيادة..الستة المعلومة والاتنين الملغومة والبقية المهجومة..وبرضو الدلقان حمام ولو اتوسخ بالطين...

* شفتو ليكم عربية وحلت في خور طلعت براها...؟

* الدورة الاولى الفارق اربعة نقاط..وبداية الدورة التانية بقت ستة نقاط...يعني الرقم القياسي بتاع التمنتاشر حيتكسر حيتكسر..بس المرة الفاتت كان حادث افراس المرة دي يقولوا شنو يا ناس..؟

* ومسكين ود الوالي يلقاها من سيكافا ولا سيد الاتيام..عاد يا سيد سليم حدرك في الضلام كعب خليت الوصيف كله معطوب زي العجب ...

* قلنا ليكم الديبة دا ما يمشي مدني اليومين ديل طنشتونا..

* الواد الشقي ما شاف اهله ليه تلاتة شهور فجاة قبل الكورة بيومين قال مشتاق لامو...

* والديبة دا عفريته خالص...اصلو عندو حساب قديم مع الجماعة وداير يصفيهو...

* أمبارح هاتفته فقال لي ضربنا كل معاقل حاحا والميدان متكفي...

* الديبة قال لي يأجلوها..يلغوها...يقدموها...حق مصعب بشيلوه اخوانه...

* ستة تقطع العشم حتة حتة...

* ستة نقاط وضاع العمر يا فنجاط...

* تاني يا كمبسة الممتاز بالرديف عشان خاطر ضلنا الوصيف..سادومبا كابوندي سيدا امبيلي نهي ...

* خليفة ..صدام...منير...الدعيع...يوسف التاج...وانشاء الله يتمهم امين عبدالوهاب...!

* وبيني بينكم يا جماعة الضرب على الميت حرام..وبالذات لو كان من فصيل الحمام...يعمل بطولة بي قروشه يقلعوها منه ...أول كورة في الابطال يخسر بالتعادل...يخسر الشكوى بالغباء الاداري ويطرودوه قبل ما يصل الباب...يمشي مدني الامطار تؤجل الكورة...يلعبوها الطين ينجضه ويخسره نقطتين..يا لتعاستكم يا الدلاقين...!

* وانحنا ما دايرين نتكلم عن الملطشة الراجياهو في نيجيريا..حيث لا تنفع فهلوة حاحا ولا ينفع محمد عثمان الطيب الاريتو تلقوه طيب..

* كانو اللي للعهود خانو...قالوا ليك ما عندهم امان خالص...يقولوا لي حاحا هات من جوه وبعدين عاااادي ينسوا الخوه..شغل يهود عديل كده...

* مساكين الدلاقين يلقوها من مين ولا من وين...؟

* في عز المطر...ساعة الرياح...وقت الخريف..قوم ضوق الخبت المخيف..ما فيش يمة ارحميني ولا ياي مامي دا اسمه شغل النزيف...

* الوسيفة دايرة دم...اسعاف يا والي يوقف الرعاف...!

التكاسي ما عندهم حاجتين

اول شي يقيفو يشجعو فوق الرصيف
والتاني يشيلو لقب الوصيف
قالو دايرين ياجلو الكورة شان التكاسي بتوحل في الموية
شداد قال ليهم انتو ما عندكم مواسير طلعو بيها الموية

الوصيف وصيف

دقيقة بس
وقفة ضحك
إنت يا مدريدي بتتكلم عن شنو
ولا الهلالاب بينسوا التاريخ
بس دي ما تمت سنةلسا
معقول الذاكرة تعبانة للدرجة دي
ونبدأ من البداية
أنا بسألك هل إنت من وجهة نظرك التأجيل صاح ولا غلط
أنا عارف إنو شداد اعترض على التأجيل
وحجتو كانت تنفيذ القوانين الدولية لكن أنا بسأل شداد وبسألك القوانين جات على المريخ وقفت أتاد مدني ده مستوفي لشروط الاحتراف كيف بتتطالبو بتنفيذ القوانين وأستاد بيحتفظ بالموية يومين دا أستاد ولا بركة
تاني شي شداد قال واستدل بمباراة الهلال وإنييمبا ونسي إنها أتأجلت يوم بعد ما كان مقرر ليها يوم 14 9 2008 بقت يوم 15
تاني أرجع ليك إنت بتطبل على تعادل المريخ في البركة ونسيت إنو عندو لاعب اسمو وارغو
عشان كده أنا قلت ليك قبيل ذاكرة الهلالاب ضعيفة نسيت لما خسرتو من أنييمبا كان عذركم شنو ديك كانت خسارة ما تعادل نسيت وارغو لما أكلكم الهدفين وعشان ذاكرتك ضعيفة أنا أديك الزمن بتاعة الأول في الدقية ستة يعني قبل ما تقولو بسم الله والتاني في الدقية ستين ما عارف رقم ستة معاكم قصتو شنو اليوم داك أكلتو أربعة وطلعتو علينا بأنو إفريقيا ما فيها ملاعب وإنو الملعب كان بحر ومال ده كان شنو على الأقل داك كان أحسن من ده
ده بس عشان أوريك الماضي لأنكم زي ما قلت ليكم ضعيفي الذاكرة تاني شي بهدد بتحطيم الرقم القياسي والكلام ده كله وناسي إنو المريخ لسا ما اتهزم من بداية سنة 2009 وإنو في تلاتة مباريات جمعت الفريقين ما فزتو عليهو لكن نحن ما نسينا هدفين لاسانا وكلتشي يعني تعادلين وفوز لينا يني ما أحسن مننا إذا إنتو لاقيتو حمام في الدوري فالكلام في إفريقيا هناك بنعرف البطل منو أنا خايف بكرة تتطلعو طيش والله كلو شي ممكن الزمن ده وأي فريق ما بعرف إفوز بره أرضو ما بطل لكن المريخ جاب الفوز من كمبالا لما الهلال خسر من القطن على كلٍ الأيام بيناتنا وإن الله كتب لينا الحياة حا تشوف إنو كلامي صاح وحا أحييك على الهزيمة
تحياتي ليك في الآخر ما لي شي لكن لأنك مدريدي