فرحـة ابوأمنه حامد

من طرف ibrahim ali الأربعاء يوليو 29, 2009 8:35 pm

من روائع الفنان العملاق
محمد وردى

بين الريد والهوى ..عشنا أيامنا سوى
ما قاسينا النوى

ما أحلاك يا هوى ..الهم راح وانطوى
عش ريدتنا استوى

بين ايديه هنايا .. في عينيه منايا
حققنا أحلامنا

والعاشق عقبالو

بيني وبينو حكاية ..أصلو ماليها نهاية
وأحلام دنياية

لو شفتوهو معاية ..خطو الحالم آية
يروي محاسنو رواية

كم ضوت دنياية ..نور دربي براية
حققنا أحلامنا

والعاشق عقبالو

أنا بحبو اكتر ..ياما هواي بيكبر
ياما مشاعري بتسكر

حبو النامي الأخضر ..راعيناهو أزهر
في قلبينا ونوّر

والعذال كدناهم ..في لحظة نسيناهم
حققنا أحلامنا

والعاشق عقبالو

الأحباب شافونا ..بالأفراح لاقونا
هنونا وهنونا

حبيناهم حبونا ..غنو معانا وشاركونا
بالأحلام منونا

يا عشاق عقبالكم .. قولولنا هنيالكم
حققنا أحلامنا

والعاشق عقبالو

قالو بتحبو

قتا ليهم مالو

ايدو علي ايدي الهنا مشينالو
حققنا أحلامنا

والعاشق عقبالو