رايكم شنو

eاهلنا الكرام رايكم شنو في تخطيط قريتكم تخطيط عشوائى بدون دراسه وبمحباة لبض الناس ا

انا شخصيا شايفه مافي داعي لتخطيط مدينة الشقله

التعب التعبوهو عشان يجيبو ناس التخطيط والجري والردحي دا لو وفروهو وجروهو عشان يصلحو المدرسه الميته دي والا يبنو ليهم معاها مدرسه ثانويه بدل حال الحله المايل دا
واقدم حله في الخط مافيها ثانوي فضضضضضضضضضضضضضضضضضضضضضضضضضضضيحه
ونحنا بنقول راينا ودا اضعف الايمان
ومامعرف الناس المتفرجين رايهم شنو في البقول رايو

والله نحن معاكم انو الحله محتاجه لخدمات ومدرسه ثانوية
بس ماننسى انو الشوارع دى للفرد قبل المجموعه اذا انت قفلت وانا قفلت حانطلع كيف
والناس تعاين لبعضها كل الحله أهل واقارب مافى داعى للكلام السلبى
وكل شئ فى أوله صعب بس الواحد لو خلى مترين وجارو مترين الشارع بطلع
ولكم فى الصحابه عبر ودروس
فحكموا ضمائركم اجاركم الله

ياخونا صابر ياريت لو تجاوب على سوالي في شارع من وسط الحله ويمر بين منزل خوجلي الوسيله وعبدالحمن الوسيله ويمتد حتى منزل خلف الله بابكر وبخيت ابراهيم الشارع ده قافلو عبدالرحمن قرينات هل يقبل ان يفتح الشارع

يا أخت عروبه أوكد لك انو اذا طلبوا من عبد الرحمن قرينات انو يفتح الشارع
لو كان هو شارع أصلا سوف يقبل وهل تسمين الزقاق الجاى من البياره دا شارع
والمعلومه عبد الرحمن قرينات عندما اراد أن يبنى لابنه منعه احد جيرانه أن يستخدم الشارع الذى قصدته
لانه معمول المرحوم الدليتى فقط وليس للاخرين واكرر انه لو طلب منه سيفعل رغم ان الارض
التى يسكنها لا يملك غيرها

أولا أنا ماحازى فى نفسى ولا أعلم بدواخل الناس بس انت ذكرت انو بين خوجلى وعبدالرحمن اخوه فى شارع وهل تناسيتى
اين كانت تسكن فاطمه اختم وللعلم ان عبد الرحمن قرينات لا يملك ولا متر فى الشارع المذكور منك
بس كل الامر انو جيران زمان الطييبين كانو بنظروا لبعضهم وبرضوا فتحوه لغيرو وليس له
يعنى ممكن سيدو يقوم ويقفلو
وختاما تقبلى تحياتى واحترامى

كدي يا اخواني اقعدو وشوفو خرطة الشقلة دي في خيالكم لو بعيدين زينا شوفو الشوارع اللي عاوزين يفتحوها دي في حوجة ليها مثلا منطقتنا من شارع الطاحونة لحدي الشارع البينا ما بين نا العم حسن كرم الله ما في اي داعي تاني يشقوها بي شارع فالشوار الحولها من اوسع الشوارع في القرية الا لشي في نفس يعقوب ههههه وتاني مافي داعي يفتحو شارع في منزل الاخ فيصل ليه ما ممكن يجو لحدي هناك ويلفو بي شارع الحلة الرئيسي كان عربة او انسان بي رجليه وتعالو شوفو الجانب التاني من منزل الضو لحي بعد منزل ابراهيم عبد الكافي قارنوها بالمنطقة اعلاها وهذه للمثل فقط وشوفو باقي الحلة الموضوع مافي داعي ليه والله يازي الازانا

صابر و راضى كتب:والله نحن معاكم انو الحله محتاجه لخدمات ومدرسه ثانوية
بس ماننسى انو الشوارع دى للفرد قبل المجموعه اذا انت قفلت وانا قفلت حانطلع كيف
والناس تعاين لبعضها كل الحله أهل واقارب مافى داعى للكلام السلبى
وكل شئ فى أوله صعب بس الواحد لو خلى مترين وجارو مترين الشارع بطلع
ولكم فى الصحابه عبر ودروس
فحكموا ضمائركم اجاركم الله

انت يا (الصابر) عند الله جزاك
عندي ليك سؤال عشان مايبقى النقاش سلبيي زي ماذكرت (كلكم راع وكلكم مسئول عن رعيته) تعلم هذا الحديث جيداً
طالما ه راعينا ويخاف على حدوث المشاكل التي إن تفجرت ستكون دامية كما يقول هو بحكم وظيفته راعياً للقرية
السؤال:
لماذا لايكون أسوة حسنة ويقوم بفتح الشارع الرئيسي المتجه شمالاً حتى الجروف لماذا لايكسر بيته حتى يتمكن المزارعون وهم كثر من السير إلى عملهم (والله لو عمل هذا لفتح ل الناس شوارعهم بأنفسهم).

أعوذ بالله