تحية محبةوسلام

بسم الله الرحمن الرحيم
السلام لكل الاخوةالادارين والاعضاء فى منتدى الشقلة عوج الدرب ا لرائعة روعة اهلها الكرام والمشرقة ومنورة بسمعتها التى تنحنى لها الرؤس اجلال واحترام والبنسعد بانتمائنا ليها ونعيشها فى سلام ووئام واللى ليها فى قلوبنا كل الحب والهيام واللى زاد شرف انضمامنالمنتداها احلى النضمام
ارجوا قبول عضويتى بينكم وان شاء الله واكون عضو مفيد ومرغوب فية من جميع الاعضاء
سلام

نحييك تحيه الاسلام ومرحبا بك معنا
ونفعنا بأرائك ومقترحاتك
وتقبلى مرورى

مرحبا بكي اختي العضوه الجديده بس زعيم حلتنا منو

ياهلاومرحبا بى بت الاخو
لو ماكان فعلا الزعيم لما اطلقت هذا اللغب على نفسى ودوريها فى راسك حتعرفى انا منو بس للاسف ماعندى خيارات

والله الشقله ما عندها زعيم الا يكون المريخ هههههههههههههه

والله يا اخت قمر الزمان شقلتنا دي ما عندها زعيم

قمر الزمان كتب:يا بنت الزعيم مرحبا بك بس صدقينى انا عرفتك والعود أحمد مع تحياتى

عود ولا عصا ماحزرتى وفهمت قصدك

الاخت قمر الزمان ده منتدي وكل الناس شغاله بي اسمها الحركي والناس في المنتدي شي وفي الخارج شي ثاني وانتو اصلا ماعارفين بعض

للتوضيح فقط
اسم الزعيم في الحله كان يطلق علي والدي الله يرحمو
ومابعرف زعيم تاني
ودي موش انا ولاناهد
ومن سجلنا وضحنا اسماءنا الحقيقيه
عشان كده ياماجو ماتفتكري دا زول مننا
ومرحب بالعضو الجديد
ولكم تحياتي

[color=darkblue]سلام
يااااخت محسية زى ماسمحتى لى نفسك انك تشتهزئ بى وبى لقبى بدون استئزان فانا بحب اقول ليكى وجهت نظرى فيكى شنو
اولااا انا من مادخلت هذا المنتدى مااستبعدت انى الاقى ردود زى دى لانى كنت بدخل المنتدى كزائر ولاحظت انو انتى ردودك دائما ردود هدااااامة جدا لانواى كل مايدخل احد بافكار جديده بتعطيه رد بايخ واستفزازى وانتى لمن جاء برنامج الشروق وهو من البرامج اليعكس بيها الواحد ثقافتو للاخرين قلتى انك انتى من العيلفون واتكرتى نسبك للشقلة والواحد لمن اشوفك بتتكلمى فى مجتمعات تقولى ياشقلة مافيك الا انا ولو ماعاجبك انتى ولا غير انو اكون اسمى الحركى بنت الزعيم فممكن تتعاملى معاى بية على اساس اسم حقييقى لانو فعلا كدة وبمثل لى اسم حقيقى اكتر
ثانياا ياسارة عبد الرحمن ابوكى الله يرحمو حاشا انو اكون زعيم بالدعابة لانو فعلاا زعيم وانا كمان ابوى زعيم
وانا لمن دخلت المنتدى دا ما علشان تحللو لى اسمىاوتسكينى فيهو كدة دخلتو علشان افيد واستفيد ومهما حاولتى يامحسية تستفزينى ماحا ارد عليكى مرة اخرى لو انتى او غيرك [/color

اكيد يااخت ناهد ابوك زعيم الحله

ودي مابيختلفو فيها اتنين ومش كده وبس وكمان كبيرنا
واكيد اخت شيماء ماقاصده تزعلك لانك بت عمنا

اللهم ارحمه واغفر له يااااارررررررب

مرحب بيك اختنا بنت الزعيم ونورتي منتداكي
ونحن في انتظار ابداعاتك

الاخوان صابر وود الضو كلامكم جميل وانشاء الله يجد اذن صاغيه بس حبيت اوضح لي اخونا صابر انو بعض الاعضاء شاركو في موضوع اكتب اسمك بالياباني ومن هنا عرف بعض الاعضاء الاسماء الحقيقيه للاعضاء وليس من الاداره ومشكورين يا اخواني

الأخوة الاعضاء
من حق أي عضو يسجل بالإسم اللي عاجبومافي زوول بيمنعو الا يكون إسم غير أخلاقي وهذا النوع مراقب وسيتم حذفه مباشرة
بس ياريت مايغير إسمو عشان مايضعف المنتدى
مثلا الليله أنا مسجل بأحمد حمد والناس بردوا على مواضيعي بنفس الاسم قمت الشهر القادم غيرت الاسم والناس ردوا بإسمي الجديد بالتالي بتشتتوا فكر الزائر والعضو الجديد موضوع رديتو باسم وموضوع تاني رديتو باسم تاني أرجو من الاعضاء تفهم ذلك ونحن ماعايزين نعرف الزوول منو نحن بهمنا موضوعو شنو أولاً
ويا محسية
كفاية مهاترات انا مافاهم انتي بتستفيدي شنو من ردودك دي ولو فيها فايدة كلمينا عشان نستفيد معاك وتكون ليك علينا صدقة ( علم ينتفع به)
ولو كان الكلام إستفذاذي عليك الله تاني ماتكرري

نحنا كلنا بشر ومافي حد أحسن من حد

عليك الصلات والسلام يا اكرم خلق الله

رحبو بي يااخواني وبالرااااااااااحه كده ما تنتقدوني في سركم دي

الف مرحب

مشكووووووووووووووووووريييييييييييييييين علىىىىىىىىىىىىىىى الترحييييييييييييييييييييب

مرحب بيك يا نور الدنيا

مرحيا بيك يانور الدنيا في منتداك
في انتظار ابداعاتك
تقبلي مروري

في الاول يا اخت ناهد ارجعي لي قناة الشروق في اليوتوب شوفي الاتكلم منو ثم ثانيا اسالي كبارك واعرفي اصل المحس الشقله هي ليست موطن المحس الاصلي وهذا الكلام علي مسوليتي الشخصيه لاني قريت التعريف الفي نسب الشقله وسالت من اصلنا ومن اين اتينا الي الشقله والماعاجبو اصلو ينتف حواجبو

الا خ احمد اولا الانسان عنده قوة تحمل معينه وانا لمن رديت علي الاخت ناهد بناءعلي استفزاز سابق منها ثم ثانيا انا طبعي كده ومابغيرو ولو مسحتو اسمي ذي مامسحتو مواضيعي يكون احسن وما في انسان كامل و بتشكرو في نفسكم ساكت وانا ماعندي مشكله مع االاخت ناهد ولما قالت عايزه تنسحب انا اول المعترضين علي انسحابها وممكن ترجع للكلام ده وقال علماء الفيزياء لكل فعل رد فعل مساوي له في القوه والمقدار

االاخت ناهد اول انا ما استهزئت بيك والكلام عن الزعامه مادخلت في خصوصيات وانتي لوقريتي صاح انا سالت ما استفزيت والزعامه زي رئيس اللجنه الشعبيه لو صحي كان زعيم يكون عادي بنسبه ليك لكن دخلت في خصوصيات واتكلم معاك شخص ورديت لشخص ثاني وعيب عليك تذكري هذا الكلام وانا انصدمت فيك وماتوقعت تقولي الكلام ده لاني ماذكرت ابوك واهلك ي بشي مسئ وده منتدي ولوتوضيح ثاني الي اتكلمت في الشروق الاستاذه زينات وسالها انتي من مواليد الشقله قالت ايوه والقال من مواليد العليفون الكباشي علي عبدالله وهيثم بابكر قال انا من امدرمان وصلحه علي قالت انا من حلة فوق
الخيل والليل والبيداء تعرفني ............ والسيف والرمح والقرطاس والقلم
ردا علي المجلس بكون فيو بقول يادنيا مافيك الا انا
انا واثقه من نفسي لكن ليس بنفس اسلوبك القولتيو وانتي اسه بتشكري في نفسك
من جهلت نفسه قدره *** يرى غيره منه ما لا يرى

الموضوع دا للترحيب
ويبدو انو تطرق لامور تانية تثير الفتن

يغلق الموضوع